Гламерыды

Гламерыды
Glomeris marginata
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Мнаганожкі Клас:  Двухпарнаногія Атрад:  Мнаганожкі-браняносцы Сямейства:  Гламерыды
Міжнародная навуковая назва
Glomeridae Leach, 1815
Сістэматыка на Віківідах Выявы на Вікісховішчы ITIS   568982 NCBI   85711

Гламерыды (Glomeridae) — сямейства двухпарнаногіх мнаганожак.

Даўжыня да 25 мм, цела кароткае і шырокае, укрытае 12 шчыткамі з 17-19 парамі ног. Здольны пры небяспецы скручваецца ў шар. Раздзельнаполыя. Яйцы (па 1-2) адкладваюць ў трэшчыны кары дрэў і глебы. Развіццё працягваецца больш за 3 гады, за гэты час адбываецца 9 лінек, якія бываюць і ў дарослым стане. Жывуць 6-7 гадоў. Кормяцца апалым лісцем, гнілой драўнінай, аленевым памётам. Карысныя, абагачаюць глебу гумусам.

Больш за 100 відаў. Пашыраны пераважна ў зонах умеранага клімату. Трапляюцца ў вільготных лісцевых і мяшаных лясах у глебе, лясным подсціле, трухлявых дрэвах, пад імхом. Найбольш вядомыя: гламерыс шасціпалосы (Glomeris hexasticha), Glomeris stellifera, Glomeris ornata. На Беларусі 1 від — гламерыс звязаны (Glomeris connexa), трапляецца ў паўднёвай і заходняй частках, занесены ў Чырвоную кнігу.

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).