Гроднасельбудпраект

Гроднасельбудпраект
Тып	праектны інстытут[d]
Заснаванне	13 мая 1960
Скасавана	6 ліпеня 2016
Краіна	Беларусь
Размяшчэнне	Гродна
Адрас	Будынак Гроднасельбудпраекта

Гроднасельбудпраект — колішні праектна-вышукальніцкі інстытут «Гроднааблсельбуда». Размяшчаўся ва ўласным будынку па вуліцы К. Маркса, 31 (1973, арх. В. Бажко) у Гродне^[1].

Заснаваны 13 мая 1960 года як Гродзенскае абласное міжкалгаснае праектна-каштарыснае бюро «Аблміжкалгаспраект» упраўлення па будаўніцтве ў калгасах выканаўчага камітэта Гродзенскага абласнога Савета дэпутатаў працоўных. З 14 верасня 1965 года Гродзенская абласная міжкалгасная праектная арганізацыя «Аблміжкалгаспраект» Галоўкалгасбуда БССР^[2].

12 снежня 1969 года ператвораны ў Гродзенскі філіял Беларускага рэспубліканскага праектна-вышукальніцкага інстытута «Белкалгаспраект» Беларускага рэспубліканскага аб’яднання міжкалгасных будаўнічых арганізацый^[2]. У гэты час інстытут размяшчаўся ў будынку па Савецкай вуліцы, 23^[3].

На базе філіяла 1 ліпеня 1986 года створаны Гродзенскі праектна-вышукальніцкі інстытут «Гроднасельбудпраект» Гродзенскага абласнога кааператыўна-дзяржаўнага аб’яднання па сельскім будаўніцтве «Аблсельбуд» (з 2 лютага 1996 — Гродзенскага дзяржаўнага вытворчага праектна-будаўнічага аб’яднання па сельскім будаўніцтве «Гроднааблсельбуд»)^[2].

5 чэрвеня 2000 года ператвораны ў праектна-вышукальніцкае рэспубліканскае ўнітарнае прадпрыемства. З 31 ліпеня 2002 года даччынае прадпрыемства «Гроднасельбудпраект» Гродзенскага абласнога вытворчага праектна-будаўнічага ўнітарнага прадпрыемства «Гроднааблсельбуд»^[2].

Ліквідаваны 6 ліпеня 2016 года^[4].

Асноўнымі кірункамі працы былі: праектаванне жывёлагадоўчых комплексаў і фермаў, механізаваных майстэрскіх і машынных двароў, распрацоўка праектаў планіроўкі і забудовы сельскіх населеных пунктаў, жылых і грамадскіх будынкаў, праектаванне ўнутры- і міжгаспадарчых дарог^[1].

• «Гродносельстройпроект» // Гродно: Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1989. — 440 с. — ISBN 5-85700-015-7.

• Гроднасельбудпраект у базе Kartoteka.by