Гільдэнбрантыя рачная

Гільдэнбрантыя рачная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Чырвоныя водарасці Пададдзел:  Eurhodophytina Клас:  Florideophyceae Падклас:  Hildenbrandiophycidae Парадак:  Hildenbrandiales Сямейства:  Гільдэнбрантыевыя Род:  Гільдэнбрантыя Від:  Гільдэнбрантыя рачная
Міжнародная навуковая назва
Hildenbrandia rivularis (Liebm.) J.Ag., 1837
Сістэматыка на Віківідах Выявы на Вікісховішчы IPNI   ??? TPL   ???

Гільдэнбрантыя рачная^[1] (Hildenbrandia rivularis) — від чырвоных водарасцей манатыпнага роду сямейства Гільдэнбрантыевыя.

Эпілітная водарасць, утварае на паверхні субстрату плевачны шчыльнакоркавы кармінавы талом, бліжэй да перыферыі мае выгляд цёмна-чырвонай каймы. Талом акруглы, дыяметрам да 2,5 см; пры разрастанні таломы зліваюцца ў суцэльную корку таўшчынёй 50—100 мкм. Вертыкальныя ніткі простыя, рэдка дыхатамічна разгалінаваныя, з 7—10 клетак. Клеткі шырынёй 4—12 мкм, квадратныя або па даўжыні да 2 разоў большыя.

Пашырэнне: Еўразія, Амерыка, Афрыка. У Беларусі сустракаецца ў Лагойскім, Мінскім і Мядзельскім р-нах Мінскай вобл., Глыбоцкім і Ушацкім р-нах Віцебскай вобласці, у Гродзенскім р-не Гродзенскай вобл.^[2]

Расце на камяністым субстраце ў празрыстых рэках і ручаях з хуткім цячэннем ў зацененых месцах. Від, адчувальны нават да нязначных зменаў умоў росту. Індыкатар чыстых і праточных вод.^[2] Рэдкі від, які трапляецца ў невялікай колькасці на абмежаваных тэрыторыях.^[3]

Полавы працэс невядомы. Размнажаецца вегетатыўна.

Занесены ў Чырвоную кнігу Беларусі 2-га выдання (1993), а таксама ў Чырвоны пералік водарасцей, якія падлягаюць ахове ў Польшчы^[2].

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мн., 1993. ISBN 5-85700-095-5
• Определитель пресноводных водорослей СССР, т. 13, 1980

Гэты від занесены ў Чырвоную кнігу Беларусі і ахоўваецца законам. III катэгорыя (VU)

• Гільдэнбрандтыя рачная ў Чырвонай кнізе Беларусі(недаступная спасылка) (руск.)
• Выява