Гіпагімнія ўздутая

Гіпагімнія ўздутая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Пармеліевыя Род:  Гіпагімнія Від:  Гіпагімнія ўздутая
Міжнародная навуковая назва
Hypogymnia physodes (L.) Nyl., 1896
Сістэматыка на Віківідах Выявы на Вікісховішчы ITIS   190682 NCBI   87259 MB   366574

Гіпагімнія ўздутая (Hypogymnia physodes) — від лішайнікаў сямейства пармеліевых.

Слаявіна (талом) вельмі разнастайная па форме — разеткападобная, паўразеткападобная, нявызначанай формы з цесна збліжанымі або налягаючымі адна на адну лопасцямі, у цэнтры даволі шчыльна прыціснута да субстрату, па краях звычайна больш свабодная. Лопасці да 5 мм даўжынёй і 2-6 мм шырынёй, на канцах часта пашыраныя, губападобна адагнутыя, усярэдзіне полыя. Вонкавая паверхня талома шаравата- або шыза-зялёная, шэрая, часам з цёмнымі плямамі, па краях можа быць бураватая, гладкая або маршчыніста-складкаватая. Ніжні бок слаявіны чорны ці цёмна-карычневы, маршчыніста-складкаваты, матавы, па краях звычайна некалькі святлейшы, бліскучы, без адтулін.

Пладовыя целы (апатэцыі) сустракаюцца рэдка, звычайна сядзячыя або на кароткіх ножках. Сумкі булавападобныя. Споры аднаклетачныя, эліпсоідныя.

Пашырэнне: Еўропа, Азія, Афрыка, Паўночная і Паўднёвая Амерыка, Грэнландыя, Аўстралія, Акіянія. На Беларусі звычайны від, часта ўкрывае ствалы дрэў (асабліва хвоі). Лішайнік сустракаецца пераважна на ствалах і галінах хвойых парод і бярозы, радзей адзначаны на галінках, на ствале лісцяных дрэў, на драўніне, у тым ліку і апрацаванай, на валунах, а таксама на самых разнастайных субстратах. Адрозніваецца шэраг форм.

• Флора Беларуси. Лишайники. В 4 т. Т. 1 / А. П. Яцына [и др.]; под общ. ред В. И. Парфенова; Нац. акад. наук Беларуси, Ин-т эксперим. ботаники им. В. Ф. Купревича. — Минск: Беларуская навука, 2019. — 341 с. ISBN 978-985-08-2480-6 (руск.)