Дагу Перынчэк

Дагу Перынчэк
Дагу Перынчэк
	турэцк.: Doğu Perinçek
Старшыня Рабочай партыі
	10 ліпеня 1992 — 15 лютага 2015
Папярэднік	Партыя заснавана
Пераемнік	Партыя распушчана
Старшыня рабоча-сялянскай партыі Турцыі
	29 студзеня 1978 — 12 верасня 1980
Нараджэнне	17 чэрвеня 1942 (83 гады); Газіянтэп, Правінцыя Газіянтэп, Турцыя;
Партыя	İşçi Partisi[d]; Patriotic Party[d];
Адукацыя	юрыдычны факультэт Анкарскага ўніверсітэта[d]; Анкарскі ўніверсітэт[d];
	Медыяфайлы на Вікісховішчы

Дагу́ Перынчэ́к (нар. 17 чэрвеня 1942) — турэцкі палітык.

Біяграфія

Нарадзіўся ў 1942 годзе ў Газіянтэпе^[2] ў сям’і Садыка Перынчэка і яго жонкі Лебібе Алджайту. Скончыў пачатковую школу Анкара Сарар, ліцэй Атацюрка і старэйшую школу Бахчэліўлер Дэнеме^[2]. Вучыўся ў Інстытуце імя Гётэ (Германія), але кінуў яго і паступіў на юрыдычны факультэт Анкарскага ўніверсітэта. Пасля заканчэння ўніверсітэта чытаў лекцыі па публічнам праве^[2]. Пазней атрымаў доктарскую ступень у Інстытуце Ота Зура^[3].

У 1968 годзе прымаў удзел у чарговай спробе адкрыцця часопіса «Aydınlık». Адзін з заснавальнікаў рэвалюцыйнай рабоча-сялянскай партыі Турцыі. 21 сакавіка 2008 года быў арыштаваны як адзін з падазраваных па справе «Эргенекон». 5 жніўня 2013 года быў прысуджаны да пажыццёвага зняволення^[4]. У сакавіку 2014 года прысуд адменены^[5].

Арышт у Швейцарыі

Падчас сваіх візітаў у Швейцарыю Перынчэк неаднаразова называў генацыд армян «вялікай міжнароднай хлуснёй»^[6]. У сакавіку 2007 года ён быў прызнаны швейцарскім судом вінаватым у расавай дыскрымінацыі і прысуджаны да 90 дзён турэмнага зняволення і штрафу ў памеры тры тысячы швейцарскіх франкаў^[7]. Перынчэк падаў апеляцыю, але Федэральны суд Швейцарыі прызнаў прысуд законным^[8]. Пасля гэтага была пададзеная скарга ў ЕСПЧ. У снежні 2013 года ніжняя палата суда ЕСПЧ прызнала, што Швейцарыя парушыла права Дагу Перынчэка на свабоду выказвання^[9]. Урад Швейцарыі аспрэчыў гэта рашэнне, але Вялікая Палата суда ЕСПЧ прызнала рашэнне законным^[9].