Дажынкі (фестываль)

Рэспубліка́нскі фестыва́ль-кірма́ш працаўнікоў вё́скі «Дажы́нкі» — штогадовы фестываль працаўнікоў вёскі, які праводзіўся ў Беларусі з 1996 па 2014 гады. На фестывалі праходзіла ўшаноўванне лепшых працаўнікоў аграпрамысловага комплексу Беларусі. За ўсю гісторыю «Дажынак» фестываль не праводзіўся толькі аднойчы: у 1999 годзе з-за невысокага ўраджаю.

Афіцыйную частку фестывалю звычайна адкрывае шэсце пачэсных гасцей, дэлегацый абласцей, творчых калектываў і іншых удзельнікаў.

Штогадова ствараецца адпаведны план мерапрыемстваў па падрыхтоўцы да «Дажынак», паводле якога будуюцца новыя і рэканструююцца існуючыя аб’екты і камунікацыі, праводзіцца капітальны рэмонт і добраўпарадкаванне гарадскіх вуліц.

10 сакавіка 2014 года Прэзідэнт Беларусі Аляксандр Лукашэнка прапанаваў больш не праводзіць рэспубліканскія дажынкі, а ўзнагароджваць аграрыяў непасрэдна ў раёнах на базе аграгарадкоў і ў абласцях на базе райцэнтраў, за выключэннем гарадоў абласнога падпарадкавання і тых, дзе ўжо праходзіў фестываль-кірмаш^[1]. Ён таксама прапанаваў узнагароджваць найлепшых аграрыяў краіны не на рэспубліканскім фесце-кірмашы ў верасні, а ў пачатку каляндарнага года ў Палацы незалежнасці ў Мінску^[2].

• 1996 год — Столін
• 1997 год — Масты ^[3][4]
• 1998 год — Нясвіж ^[5]
• 2000 год — Шклоў
• 2001 год — Мазыр ^[6]
• 2002 год — Полацк ^[7]
• 2003 год — Пружаны ^[8]
• 2004 год — Ваўкавыск ^[9]
• 2005 год — Слуцк ^[10]
• 2006 год — Бабруйск ^[11]
• 2007 год — Рэчыца ^[12]
• 2008 год — Орша ^[13]
• 2009 год — Кобрын ^[14]
• 2010 год — Ліда ^[15]
• 2011 год — Маладзечна ^[16]
• 2012 год — Горкі ^[17]
• 2013 год — Жлобін ^[18]
• 2014 год — Гарадок ^[19]

• Хто прыдумаў «Дажынкі» Архівавана 9 ліпеня 2014. (руск.)
• Таццяна Вадалажская: «Дажынкі» як фактар развіцця беларускіх гарадоў Архівавана 15 студзеня 2013. (руск.)
• Што важна разумець пра «Дажынкі» Архівавана 1 красавіка 2013.
• Дзмітрый Галіноўскі: Планаванне «Дажынак» — заканадаўчае афармленне Архівавана 15 студзеня 2013. (руск.)