Даніел Шарыч

Даніел Шарыч
Агульная інфармацыя
Нарадзіўся	27 ліпеня 1977(1977-07-27)[1] (47 гадоў) Добай, БіГ, СФРЮ
Грамадзянства	Сербія і Чарнагорыя Сербія Боснія і Герцагавіна Катар
Рост	195 см
Вага	92 кг
Пазіцыя	варатар
Інфармацыя пра клуб
Клуб	Аль-Кіяда
Нумар	12
Клубная кар’ера[* 1]
0000 — 1999 Црвена Звезда 1999—2003 Сінтэлон 2003—2004 Тэка Кантабрыя 2004—2006 Алькабендас 2006—2008 Адэмар Леон 2008—2009 Портленд Сан-Антоніа 2009—2016 Барселона 2016— Аль-Кіяда
Нацыянальная зборная[* 2]
2004—2006  Сербія і Чарнагорыя 2006—2007  Сербія 50 (0) 2010—2011  Боснія і Герцагавіна 7 (0) 2014—  Катар 22 (0)
Узнагароды і медалі Чэмпіянаты свету Срэбра Катар 2015
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 25 снежня 2016
Медыяфайлы на Вікісховішчы

Даніел Шарыч (сербск.: Данијел Шарић/Danijel Saric; нар. 27 ліпеня 1977) — катарскі гандбаліст сербскага паходжання, варатар клуба «Аль-Кіяда» і зборнай Катара.

Даніел Шарыч — выхаванец гандбольнага клуба «Борац» з Баня-Лукі. Пройдучы праз яе моладзевую сістэму, ён перабраўся ў белградскую «Црвену Звезду», дзе правёў наступныя 2 гады, павялічваючы свой узровень. У 1999 годзе Шарыч стаў гульцом каманды «Сінтэлон» з Бачка-Паланкі, дзе таксама адыграў 2 гады. У складзе сталічнага клуба Шарыч двойчы ставаў чэмпіёнам краіны і двойчы выйграваў нацыянальны кубак. Яшчэ адзін кубак краіны ён выйграў, выступаючы за «Сінтэлон».

У 2003 годзе Шарыч перабраўся ў Іспанію, дзе яго першай камандай стала «Тэка Кантабрыя» з Сантандэра. Далей ён гуляў за клубы «Алькабендас», «Адэмар Леон» і «Портленд Сан-Антоніа», пакуль у 2009 годзе не перайшоў у «Барселону». У складзе каталонскага клуба ён чатыры разы ставаў чэмпіёнам Іспаніі, выйграў мноства нацыянальных кубкаў, а таксама двойчы перамагаў у Лізе чэмпіёнаў ЕГФ, у розыгрышах 2010/11 і 2014/15 гадоў^[2].

За зборную Сербіі і Чарнагорыі Шарыч правёў 50 матчаў^[3], ён быў рэзервовым галкіперам каманды на чэмпіянаце Еўропы 2006 года. Пазней ён кароткі час бараніў браму зборнай Босніі і Герцагавіны, правядучы ў яе складзе 7 матчаў.

У канцы 2014 года Шарыч стаў гульцом зборнай Катара па гандболе. У складзе каманды, дзе апроч яго быў яшчэ шэраг гульцоў балканскага паходжання, ён заваяваў срэбра чэмпіянату свету 2015 года, які праводзіўся ў Катары. Шарыч з 36% адбітых кідкоў заняў 5-е месца ў спісе лепшых галкіпераў турніру^[4].

• Профіль на сайце ЕГФ (англ.)
• Профіль на сайце «Барселоны» Архівавана 13 снежня 2015. (англ.)