Даніэль Альсіна

Даніэль Альсіна
Поўнае імя	Даніэль Альсіна Альсіна
Нарадзіўся	25 студзеня 1989(1989-01-25) (36 гадоў) Альбайда[d], правінцыя Валенсія, аўтаномная супольнасць Валенсія, Іспанія
Грамадзянства	Іспанія
Рост	179 см
Вага	77 кг
Пазіцыя	нападнік
Клубная кар’ера[* 1]
2007—2011 Валенсія Месталья 65 (6) 2009—2011 Валенсія 0 (0) 2010—2011 →  Алькаяна (Алькой) 24 (0) 2011—2012 Алімпік (Хаціва) 7 (0) 2012 Мура (Мура-дэ-Алькой) 7 (0) 2013—2014 Тарпеда-БелАЗ (Жодзіна) 11 (0) 2014—2015 Беніганім 28 (7) 2015 Антэньентэ 12 (5) 2016 Дыр’янген (Дыр’ямба) 16 (2) 2016—2018 Торэ Левантэ 80 (14)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 20 верасня 2021.

Даніэль Альсіна Альсіна (ісп.: Daniel Olcina Olcina, нар. 25 лютага 1989, Альбайда, Іспанія) — іспанскі футбаліст, нападнік.

Выхаванец «Валенсіі», дэбютаваў за гэты клуб 27 жніўня 2009 у Лізе Еўропы ў матчы супраць нарвежскага «Стабека», выйшаўшы на замену замест Хуана Маты. Пазней гуляў за розныя клубы ў Сегундзе B.

У ліпені 2013 года ў якасці свабоднага агента падпісаў кантракт з «Тарпеда-БелАЗ»^[1], але хутка атрымаў траўму. У верасні 2013 года, аднавіўшыся ад траўмы, здолеў замацавацца ў асноўным складзе аўтазаводцаў.

У пачатку сезона 2014 быў асноўным іграком жодінцаў, выступаў на пазіцыі цэнтральнага паўабаронцы, але ў красавіку 2014 года атрымаў траўму і больш на полі не з’яўляўся. У чэрвені 2014 года кантракт з «Тарпеда-БелАЗ» быў разарваны^[2].

У 2014 годзе вярнуўся ў Іспанію, гуляў за клубы ніжэйшых дывізіёнаў. Першую палову 2016 года правёў у Нікарагуа, пасля ў Іспаніі далучыўся да клуба «Торэ Левантэ». Восенню 2018 года пераехаў у Кітай, дзе стаў дзіцячым трэнерам у горадзе Цзуньі, гуляў на аматарскім узроўні. У пачатку 2020 года пакінуў Кітай.