Даніэль Аялон

Даніэль Аялон
іўр.: דני אילון
Deputy Minister of Foreign Affairs[d] 1 красавіка 2009 — 5 лютага 2013
дэпутат кнэсета[d] 24 лютага 2009 — 5 лютага 2013
Нараджэнне	17 снежня 1955(1955-12-17)[1] (69 гадоў) Тэль-Авіў, Тэль-Авіўская акруга, Ізраіль
Партыя	Israel Our Home[d]
Адукацыя	Тэль-Авіўскі ўніверсітэт Боўлінг-Грынскі дзяржаўны ўніверсітэт
Сайт	dannyayalon.co.il
Медыяфайлы на Вікісховішчы

Даніэль (Дані) Аялон (іўр. דניאל (דני) איילון‎, нар. 17 снежня 1955, Тэль-Авіў, Ізраіль) — ізраільскі палітык, дэпутат кнэсету 18-га склікання ад партыі «Наш дом — Ізраіль».

Дыпламатычную кар'еру Даніэль Аялон пачаў у 1991 годзе з пасады намесніка консула Ізраіля ў Панаме. У 1993 годзе прызначаны кіраўніком канцылярыі пасла Ізраіля ў ААН. З 2002 па 2007 год Даніэль Аялон - пасол Ізраіля ў ЗША. Гэта былі гады самага разгару інтыфады Аль-Аксы, уварвання сіл кааліцыі ў Ірак, і Другой ліванскай вайны. Аднак менавіта ў гэты перыяд адносіны паміж Ізраілем і ЗША былі самымі найлепшымі, а стратэгічныя, палітычныя і эканамічныя сувязі ўмацаваны і пашыраны.

Аялон адыгрываў важную ролю ў заключэнні пагаднення аб прадастаўленні ўрадам ЗША гарантый ізраільскіх пазык на суму ў 10 мільярдаў долараў, у падрыхтоўцы плана «Дарожная карта», у гістарычным абмене лістамі паміж прэзідэнтам Бушам і прэм'ер-міністрам Шаронам, а таксама ў заключэнні розных гандлёвых здзелак на суму 20 мільярдаў.