Даўжанка (рака)

Даўжанка
Даўжанка
Характарыстыка
Даўжыня	37 км
Басейн	272 км²
Расход вады	1,3 м³/с (у вусці)
Вадацёк
Выток
• Месцазнаходжанне	за 1,5 км на ўсход ад вёскі Стадолішча
• Каардынаты	53°46′37,70″ пн. ш. 29°29′48,90″ у. д.HGЯO
Вусце	Друць
• Месцазнаходжанне	на ўскраіне аграгарадка Доўгае
• Вышыня	142,7 м
• Каардынаты	53°36′25″ пн. ш. 29°49′19″ у. д.HGЯO
Ухіл ракі	1 м/км
Размяшчэнне
Водная сістэма	Друць → Дняпро → Чорнае мора
Краіна	Беларусь;
Рэгіён	Магілёўская вобласць
Раёны	Бялыніцкі раён, Клічаўскі раён
	;
	; выток вусце
	— выток, — вусце

Даўжанка — рака ў Бялыніцкім і Клічаўскім раёнах Магілёўскай вобласці Беларусі, правы прыток ракі Друць (басейн Дняпра).

Даўжыня ракі 37 км, з іх 5 км у Бялыніцкім раёне. Плошча вадазбору 272 км². Сярэднегадавы расход вады ў вусці 1,3 м³/с. Сярэдні нахіл воднай паверхні 1 ‰.

Асноўныя прытокі: Рудка (справа), Гудка (злева).

Выток за 1,5 км на ўсход ад вёскі Стадолішча Бялыніцкага раёна, вусце прыкладна за 0,2 км ад паўночна-ўсходняй ускраіны вёскі Даўжанка Клічаўскага раёна. Цячэ па паўднёва-ўсходняй ускраіне Цэнтральнабярэзінскай раўніны, у тым ліку па тэрыторыі гідралагічнага заказніка «Астравы Дулебы». Даліна невыразная, у ніжнім цячэнні трапецападобная, мелкаўрэзаная, шырынёй 1 км. Да вёскі Доўгае Клічаўскага раёна схілы параслі мяшаным забалочаным лесам, ніжэй адкрытыя. Пойма двухбаковая, лугавая, у верхняй частцы забалочаная. Рэчышча ў вытоку на працягу 5 км каналізаванае, ніжэй звілістае. На вадазборы пераважае лес. У басейне ракі возера Стаячае.

Каля ракі населеныя пункты Дубно, Доўгае, Закупленне, Даўжанка і інш.

Зноскі

↑ Ліст карты N-34-84. Выданне 1982 г. Стан мясцовасці на 1979 г. (руск.)

Літаратура

Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 16. — 64 с. — 10 000 экз. — ISBN 978-985-508-173-0. (руск.)