Дзве тысячы слоў«Дзве тысячы слоў» (поўная назва: «Дзве тысячы слоў, звернутых да рабочых, сялян, служачых, навукоўцаў, працаўнікоў мастацтва і ўсіх іншых», чэшск.: Dva tisíce slov, které patří dělníkům, zemědělcům, úředníkům, umělcům a všem) — адзін з двух знакамітых дакументаў Пражскай вясны, аўтарам якога быў пісьменнік Людвіг Вацулік. У ім былі змешчаны заклікі да рэформы КПЧ. Кіраўніцтва КПЧ гэты дакумент разглядаць адмовілася, а пасля пачатку палітыкі нармалізацыі пераследвала асоб, якія падпісалі зварот. Апублікаваны 27 чэрвеня 1968 года ў пражскай газеце «Літарарні новіны» і іншых чэхаславацкіх газетах за подпісамі каля 60-ці інтэлектуалаў. У рэдакцыі праводзіўся збор дадатковых подпісаў у падтрымку гэтага маніфеста і рэформаў Аляксандра Дубчака, накіраваных на стварэнне «сацыялізму з чалавечым тварам». Масавасць падтрымкі гэтых рэформаў выклікала занепакоенасць кіраўніцтва СССР магчымасцю паўтору венгерскіх падзей 1956 года. Публікацыя маніфеста была ўспрынята як спроба ідэалагічнай дыверсіі, а подпісы пад дакументам пасля інтэрвенцыі войскаў арганізацыі Варшаўскага дагавора служылі нагодай для праследавання. Спасылкі |
Portal di Ensiklopedia Dunia
