Дзмітрый Дзмітрыевіч Гобараў

Дзмітрый Дзмітрыевіч Гобараў
Дэпутат Палаты прадстаўнікоў Нацыянальнага сходу Рэспублікі Беларусь VI склікання з 11 кастрычніка 2016
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	7 лістапада 1962(1962-11-07) (62 гады) Саматэвічы, Саматэвіцкі сельсавет, Касцюковіцкі раён, Магілёўская вобласць, БССР, СССР
Адукацыя	БДУ Акадэмія кіравання пры Прэзідэнце Рэспублікі Беларусь
Узнагароды

Дзмітрый Дзмітрыевіч Гобараў (нар. 7 лістапада 1962, в. Самацевічы, Касцюковіцкі раён, Магілёўская вобласць) — беларускі дзяржаўны дзеяч і палітык, дэпутат Палаты прадстаўнікоў Нацыянальнага сходу Рэспублікі Беларусь VI склікання.

Скончыў Беларускі дзяржаўны ўніверсітэт, палітолаг; Акадэмію кіравання пры Савеце Міністраў Рэспублікі Беларусь, эканаміст-менеджар.

Служыў у пагранічных войсках.

Працоўную дзейнасць пачаў у Касцюковіцкім раёне, дзе прапрацаваў з 1983 па 1999 год. Працаваў інжынерам па тэхніцы бяспекі і старшынёй прафсаюзнага камітэта саўгаса «Самацевічы» Касцюковіцкага раёна; намеснікам старшыні калгаса «Праўда» Касцюковіцкага раёна; старшынёй калгаса «Дуброва» Касцюковіцкага раёна; загадчыкам аддзела арганізацыйна-кадравай работы Касцюковіцкага райвыканкама.

З 1999 года — першы намеснік старшыні, начальнік упраўлення сельскай гаспадаркі і харчавання Шклоўскага райвыканкама. У 2001 годзе быў прызначаны старшынёй Круглянскага райвыканкама, з 2009 года — старшынёй Магілёўскага райвыканкама.

З 2013 года па кастрычнік 2016 года — памочнік Прэзідэнта Рэспублікі Беларусь — галоўны інспектар па Брэсцкай вобласці.

З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання.

Узнагароджаны ордэнам Пашаны, ордэнам Свяціцеля Кірылы Тураўскага Беларускай праваслаўнай царквы, медалём «За працоўныя заслугі».

Жанаты, мае сына.

• Дасье на сайце Палаты прадстаўнікоў Нацыянальнага сходу Рэспублікі Беларусь (бел.)