Дэмет Еўгар

Дэмет Еўгар
Дэмет Еўгар
	турэцк.: Demet Evgar
Дата нараджэння	19 мая 1980 (45 гадоў)
Месца нараджэння	Маніса, Правінцыя Маніса, Турцыя;
Грамадзянства	Турцыя;
Адукацыя	Стамбульскі ўніверсітэт;
Прафесія	актрыса
IMDb	ID 1728411
	Медыяфайлы на Вікісховішчы

Дэмет Еўгар (турэцк.: Demet Evgar; нар. 18 мая 1980, Маніса, Турцыя) — турэцкая актрыса, вядомая сваімі ролямі ў мастацкіх фільмах і серыялах. Пачала сваю кар’еру ў 2000 годзе. Першай яе працай у вялікім кіно была роля ў серыяле «Сем суседзяў». Яна таксама робіць актыўную кар’еру ў якасці актрысы ў тэатры, дзе дэбютавала.

Біяграфія

Дэмет Еўгар пачала граць у 17 гадоў з аматарскай тэатральнай групай Afsem Theater. Яе першае з’яўленне на сцэне было ў п’есе Рэя Куні: «Гэта працуе ў сям’і». Падчас вучобы ў Нацыянальнай тэатральнай школе Стамбульскага універсітэта, Еўгар сфармавала са сваімі сябрамі тэатральную групу пад назвай «Тыятро Кілчык»^[2].

Працуючы ў групе як акторка, яна таксама была часткова і драматургам, бо дапамагала пісаць сцэнары. Затым Еўгар выступала ў знакамітым тэатры «Кентэр» у спектаклі «Блакітны пакой». Спектакль «Ганна Карэніна», «Басамак» і «Кімры» з яе ўдзелам былі ўдастоены ўзнагарод.

У 2007 годзе турэцкая актрыса Дэмет Еўгар з’явілася на сцэне ў пастаноўцы «Rock Musical». Яе пазнейшыя выступленні ў тэатры «Пангар», які яна сфармавала ў 2012 годзе, уключалі ў сябе такія шэдэўры, як «Макбет» і «Кароль Лір». Пасля гэтых спектакляў акторка атрымала добры акцёрскія навыкі, і навучылася паспяхова граць складаныя ролі.

Пераход актрысы на тэлебачанне і кіно здаваўся беспраблемным дзякуючы яе навыкам ў тэатры. Дэмет Еўгар з’явілася ў многіх тэлешоў, такіх як «Керэм з Аслы», «Мае дзеці» і «Камандзір заказаў», а пасля ішоў шэраг паспяховых фільмаў: «Ванны пакой», «Жанчыны бэйза», «Я бачыў сонца» і «Адважныя атаманкі».

Серыял «Мужчына і жанчына» быў створаны як рэмейк французскага тэлешоў «Un Gars, Une Fille». Яго трансляцыя ішла адразу па трох папулярных каналах: «Star TV», «Turkmax» і «Fox TV». У гэтым серыяле акторка грала ролю Зейнеп. Гэтая роля прынесла Дэмет Еўгар ўсеагульнае прызнанне і вядомасць у акцёрскім свеце Турцыі. Серыял доўжыўся 8 сезонаў, а ўсяго у ім было 465 серый.

Дзякуючы шырокаму спектру навыкаў і глыбокаму разуменню акцёрскага стылю Дэмет Еўгар атрымала мноства ўзнагарод у тэатральным, тэле- і кінамастацтве. Мае шмат узнагарод і намінацый. У 2016 годзе пачаўся даволі вядомы серыял «Ты мая Радзіма», у якім Дэмет сыграла Кару Фацьму.

У 2018 годзе Дэмет Еўгар была прызначаная на галоўную ролю ў серыяле «Двор»(Avlu), дзе яна грае зняволеную.

Асабістае жыццё

16 сакавіка 2022 года Дэмет Еўгар выйшла замуж за бізнэсмэна Левента Бабаташа. Пра гэта акторка паведаміла ў сваім Instagram^[3].

17 жніўня 2022 года ў Дэмет Еўгар і Левента Бабаташа нарадзілася дачка Маві^[4].

Факты^[5]

Скончыла Стамбульскі ўніверсітэт Нацыянальнай кансерваторыі ў тэатры.
Яе брат Ігіт Еўгар.
Яна дачка Бінгул Эўгар і Левента Еўгара.
Яна ўдзельнічала ў спектаклі «Ганна Карэніна» у 2006 годзе.
Пра актрысу кажуць, што яна сапраўдны працаголік, і ўсё яе жыццё — гэта сцэна і здымачная пляцоўка.
У 2017 годзе яна знялася ў камедыі, у якой знялася Гюльсэ Бірзель.
Яна атрымала прэмію за «Лепшую камедыю тэлесерыяла» на 37-й цырымоніі ўручэння прэміі «Залаты Матылёк» у 2010 годзе.
Яна атрымала прэмію за «Лепшую жаночую ролю ў камедыі» на 23-й прэміі тэатра і кіно імя Садры Алішыка ў 2018 годзе.
У 2018 годзе яна была абраная «Жанчынай года» па версіі GQ Turkey.