Емяльян Рыгоравіч Саўчанка

Емяльян Рыгоравіч Саўчанка
Дата нараджэння	18 жніўня 1899(1899-08-18)
Месца нараджэння	Дрыса, Дрысенскі павет, Віцебская губерня, Расійская імперыя
Дата смерці	1 мая 1966(1966-05-01) (66 гадоў)
Альма-матар	Ваенная акадэмія імя М. В. Фрунзэ
Грамадзянства	Расійская імперыя  СССР
Званне	генерал-маёр і брыгадны генерал
Бітвы/войны	Блакада Ленінграда Вісла-Одэрская аперацыя Грамадзянская вайна ў Расіі Вялікая Айчынная вайна
Узнагароды і званні
У адстаўцы	выкладчык у Ваеннай акадэміі

Емяльян Рыгоравіч Са́ўчанка (18 жніўня 1899 — 1 мая 1966) — генерал-маёр (28.4.1943^[1]).

Е. Р. Саўчанка нарадзіўся ў горадзе Дрыса^[2] (па іншых звестках у вёсцы Чарняўшчына^[3]).
У Чырвонай Арміі з 1918 года. Удзельнік Грамадзянскай вайны. У 1933 годзе скончыў Ваенную акадэмію імя М. В. Фрунзэ, у 1941 годзе — Ваенную акадэмію Генеральнага штаба. Падчас Вялікай Айчыннай вайны на Ленінградскім фронце — начальнік штаба, намеснік камандзіра стралковага корпуса, арміі, намеснік начальніка тылу Войска Польскага. Удзельнік абароны Ленінграда, Вісла-Одэрскай аперацыі і інш.^[3]

З 1947 года начальнік кафедры Ваеннай акадэміі імя М. В. Фрунзе^[3]. З 1953 года генерал-маёр Е. Р. Саўчанка ў запасе. Працаваў выкладчыкам у Ваеннай акадэміі.

Узнагароджаны сям’ю ордэнамі і медалямі. Сярод узнагарод — ордэн Леніна і ордэн Кутузава II ступені^[4].

• Саўчанка Емяльян Рыгоравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 198. — 10 000 экз. — ISBN 985-11-0035-8. — ISBN 985-11-0238-5 (т. 14).
• Долготович Б. Д. Военачальники земли белорусской: энциклопедический справочник / Б. Д. Долготович. — Мн., 2005. — С. 209.

• Наши земляки на службе в Войске Польском Архівавана 10 мая 2013. (руск.)