Жыгалка асенняя

Жыгалка асенняя
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Без рангу:  Antliophora Атрад:  Двухкрылыя Падатрад:  Караткавусыя Сямейства:  Сапраўдныя мухі Падсямейства:  Muscinae Трыба:  Stomoxyini Род:  Жыгалкі Від:  Жыгалка асенняя
Міжнародная навуковая назва
Stomoxys calcitrans Linnaeus, 1758
Сінонімы
Conops calcitrans Linnaeus, 1758 Musca occidentis Walker, 1853 Stomoxis dira Robineau-Desvoidy, 1830 Stomoxis inimica Robineau-Desvoidy, 1830 Stomoxys cybira Walker, 1849 Stomoxys parasita Fabricius, 1781
Сістэматыка на Віківідах Выявы на Вікісховішчы ITIS   150287 NCBI   35570 EOL   730036

Жыгалка асенняя, жыгалка звычайная (Stomoxys calcitrans) — від мух сямейства сапраўдныя мухі.

Паводле біялогіі і марфалогіі блізкая да пакаёвай мухі. Даўжыня 5,5-7 мм. Мае шэрую афарбоўку з цёмнымі палосамі на грудзях і плямамі на брушку. Хабаток моцна выцягнуты і на канцы нясе пласцінкі з хітынавымі «зубамі». Трэннем хабатка аб скуру муха здымае эпідэрміс і, сілкуючыся крывёй, адначасова ўпускае атрутную сліну, выклікаючы моцнае раздражненне. Самкі і самцы сілкуюцца крывёй, нападаючы пераважна на жывёл, але часам і на чалавека. Пладавітасць 300—400 яек, якія адкладваюцца купкамі па 20-25 у гной, радзей на перагнілыя раслінныя парэшткі, часам у раны жывёл і чалавека, дзе і развіваюцца лічынкі.

Пашырана ўсюды. Трапляецца ў непасрэднай блізкасці ад свойскіх жывёл (у памяшканні, на пашы). Колькасць павялічваеіша ў канцы лета — пачатку восені (мухі становяцца «лютымі»).

З'яўляецца пераносчыкам узбуджальнікаў сібірскай язвы, сепсісу, тулярэміі, трыпанасамозаў і іншых захворванняў.

• Жыгалка асенняя // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 460. — 10 000 экз. — ISBN 985-11-0035-8. — ISBN 985-11-0106-0 (т. 6).