Забойцы кветкавага месяца (фільм)

Забойцы кветкавага месяца
Забойцы кветкавага месяца;
	англ.: Killers of the Flower Moon; осэйдж: 𐓨𐓣͘𐓪͘𐓬𐓘 𐓡𐓧𐓘𐓮𐓤𐓘 𐓻𐓣͘𐓤𐓘 𐓲'𐓟𐓵𐓟
Жанры	трылер[d], драматычны фільм, дэтэктыўны фільм[d], экранізацыя кнігі[d], вестэрн[d] і крымінальны фільм[d]
Рэжысёр	Марцін Скарсэзэ;
Прадзюсары	Марцін Скарсэзэ; Emma Tillinger Koskoff[d];
На аснове	Killers of the Flower Moon[d]
Сцэнарыст	Eric Roth[d];
У галоўных; ролях	Леанарда Дзі Капрыа; Роберт Дэ Ніра; Джэсі Племанс; Брэндан Фрэйзер; Лілі Гладстан; Tantoo Cardinal[d]; Tatanka Means[d]; Cara Jade Myers[d];
Аператар	Rodrigo Prieto[d];
Кампазітар	Robbie Robertson[d];
Мастак-пастаноўшчык	Dante Ferretti[d]
Кінакампаніі	Appian Way Productions[d], Apple TV+[d] і Imperative Entertainment[d]
Працягласць	206 хв.[…]
Бюджэт	200 000 000 $
Краіна	ЗША;
Мовы	англійская і Osage[d]
Год	20 мая 2023, 6 кастрычніка 2023, 18 кастрычніка 2023, 19 кастрычніка 2023, 20 кастрычніка 2023 і 20 кастрычніка 2023
IMDb	ID 5537002
Афіцыйны сайт (англ.)
	Медыяфайлы на Вікісховішчы

«Забойцы кветкавага месяца» (англ.: Killers of the Flower Moon) — амерыканскі драматычны фільм-вэстэрн 2023 года рэжысёра Марціна Скарсэзэ, пастаўлены па аднайменнай кнізе^[en] Дэвіда Грана^[en]. Адаптацыяй кнігі займаліся Эрык Рот^[en] і Марцін Скарсэзэ. Галоўныя ролі выканалі Леанарда Дзі Капрыа, Роберт Дэ Ніра і Лілі Гладстан. Гэта шостая мастацкая супраца паміж Скарсэзэ і Дзі Капрыа, а таксама дзясятая паміж Скарсэзэ і Дэ Ніра.

Прэм’ера фільма адбылася 20 мая 2023 года ў межах пазаконкурснай праграмы 76-га Канскага кінафестывалю. Фільм выйшаў у шырокі пракат у Злучаных Штатах 20 кастрычніка 2023 года.

Сюжэт

Неўзабаве пасля Першай сусветнай Эрнэст Бёркхарт, які адслужыў у Францыі поварам, прыязджае ў Аклахому, дзе знаходзіцца буйная рэзервацыя індзейцаў племя осэйдж, якія раптоўна разбагацелі з-за выяўленай на іх зямлі нафты. Там жыве яго дзядзька Уільям Хэйл па мянушцы Кароль — сябра індзейцаў і вялікі чалавек. Кароль пераконвае Эрнэста пасватацца да Молі Кайл, маладой жанчыны з заможнай індзейскай сям’і. Ідэя складаецца ў тым, каб зямельныя правы гэтай сям’і з часам перайшлі да Беркхарта, а значыць да Хэйла — але для гэтага павінны памерці мама Молі, яе сёстры і яна сама.