Заканадаўчы Юань

Заканадаўчы Юань Кітайскай Рэспублікі
*中華民國立法院*
Заканадаўчы Юань Кітайскай Рэспублікі ; 中華民國立法院
	X скліканне
Тып
Тып	Аднапалатны
Кіраўніцтва
Старшыня	Ю Сікунь — Дэмакратычная Прагрэсіўная Партыя
Намеснік старшыні	Цай Цічан
Лідар большасці	Кэ Цзяньмін
Лідар апазіцыі	Цзэнь Цінцзун
Структура
Членаў	113
Фракцыі	Урад Вялікая Зялёная Кааліцыя (64); Незалежныя (2); Апазіцыя Вялікая Сіняя Кааліцыя (38); Тайваньская Народная Партыя (5); Новая сіла (3); Вакантна (1);
Выбары
Апошнія выбары	11 студзеня 2020 года
Зала пасяджэнняў
	Будынак Заканадаўчага Юаня, Тайбэй
Сайт
	www.ly.gov.tw

Заканадаўчы Юань — аднапалатны заканадаўчы орган Кітайскай Рэспублікі (Тайвань), знаходзіцца ў горадзе Тайбэй. Ён складаецца са 113 членаў, якія выбіраюцца прамым народным галасаваннем на пяцігадовы тэрмін па паралельнай систэме. Заканадаўчы Юань з’яўляецца адным з пяці органаў улады (院 yuàn, «установы») у адпаведнасці с Канстытуцыяй Кітайскай Рэспублікі і трыма народнымі прынцыпамі Сунь Ятсена.

Да канстытуцыйных рэформаў у 1990-х Заканадаўчы Юань з’яўляўся ніжняй палатай, і разам з Нацыянальнай Асамблеяй (сярэдняй палатай) і Кантрольным Юанем (верхняй палатай) складалі трохпалатны парламент. Цяпер дзеянне Нацыянальнай Асамблеі прыпынена, а Кантрольны Юань быў выведзены з заканадаўчай сістэмы.

Склад

Пачынаючы з парламенцкіх выбараў 2008 года, у сілу ўступілі змены ў канстытуцыю 2005 года. Заканадаўчы Юань стаў складацца са 113 членаў, раней — 225, якія выбіраюцца раз у чатыры гады, пры гэтым:

74 члены выбіраюцца сістэмай адноснай большасці;
34 члены выбіраюцца па партыйных спісах;
6 месцаў зарэзерваваныя за прадстаўнікамі карэнных народаў Тайваня.

X скліканне Заканадаўчага Юаня па партыях
Палітычная партыя	Лідар партыі	Месцы
Дэмакратычная Прагрэсіўная Партыя (ДПП)	Кэ Цзяньмін	64
Гаміньдан (ГМД, КМТ)	Цэнь Цзінцзун	38
Тайваньская Народная Партыя (ТПП)	Чжу Чэнь-Юань	5
Партыя «Новая Сіла»	Цзю Сяньчжы	3
Незалежныя	Няма	2
Вакантна	Няма	1

Функцыі

Паўнамоцтвы

Як і парламенты іншых краін, Заканадаўчы Юань, у адпаведнасці з дзеючымі папраўкамі ў канстытуцыю, валодае наступнымі паўнамоцтвамі:

прымае законы і зацвярджае рэспубліканскі бюджэт, дагаворы і надзвычайныя ўказы прэзідэнта;
інтэрпеляцыя дзяржаўных чыноўнікаў;
ініцыяваць вотум недаверу выканаўчаму юаню;
зацвярджае прызначэнні ў Экзаменацыйны Юань, Кантрольны Юань і Судовы Юань, Нацыянальную камісію па сувязі, Камісію па сумленным гандлі, Цэнтральную выбарчую камісію і прызначае Генеральнага пракурора;
ініцыюе імпічмент прэзідэнта або віцэ-прэзідэнта;
ініцыюе змены ў канстытуцыі, якія павінны быць вынесены на рэферэндум.

Іншыя дзяржаўныя органы ўпаўнаважаны прапаноўваць законапраекты ў Заканадаўчы юань. Законапраекты, прапанаваныя ў Заканадаўчы юань, павінны быць падпісаны пэўнай колькасцю заканадаўцаў. Пасля гэтага, ён праходзіць працэс трох чытанняў.