Казімір Ваньковіч

Казімір Ваньковіч
Ліс
Нараджэнне	каля 1 красавіка 1796(1796-04-01)
Смерць	не пазней за 1856
Род	Ваньковічы
Бацька	Юзаф Матэвушавіч Ваньковіч
Маці	Марыяна Лускіна[d]
Жонка	Кацярына з Любашчынскіх[d]

Казімір-Антоні Ваньковіч (хр. 1 красавіка 1796 — да 1856 года) — дзяржаўны дзеяч, памешчык.

Належаў да сярэднезаможнага каталіцкага шляхецкага роду Ваньковічаў герба «Ліс». Сын Юзафа Ваньковіча, маршалка шляхты Мінскага павета, і яго першай жонкі Марыяны^[1](?) Лускіной^[2].

Былы суддзя Мінскага галоўнага суда 2-га дэпартамента ў 1820-х гг. У 1821 — у Віленскім універсітэце выдаткаваў 6,20 злотых на кракаўскі помнік Касцюшку. Прысяжны ў 1830-х гадах^[1].

Жыў у Мінску на вул. Дамініканскай, 151 (1828), валодаў маёнткам Вяпраты Вілейскага павета (1843)^[2].

Масон. Член ніжэйшага капітула «Святыні Спакою» ў Нясвіжы^[1].

Памёр да 1856 года^[2].

У шлюбе з Кацярынай Любашчынскай^[2]. Дзеці:

• Юзаф-Герард-Антоні (1837). Ахрышчаны 12 верасня 1837 года ў Мінскім Траецкім касцёле^[2];
• Аляксандр-Ян-Антоні (нар. 15.10.1841). Ахрышчаны 26 кастрычніка 1841 года ў Гайненскім касцёле^[2];
• Вінцэнт-Каэтан-Антоні (нар. 19.07.1843). Ахрышчаны 24 ліпеня 1843 года ў Гайненскім касцёле^[2].

Усе 22 лютага 1845 г. былі запісаны ў дваранскую кнігу Мінскай губерні^[1].

• Швед, В. В. Ваньковіч Казімір (Юзэфавіч) // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.
• 82/52. Казімір-Антоні // Гербоўнік беларускай шляхты. Т. 3. В. / Дз. Матвейчык [і інш.]; навук. рэд. А. Рахуба. — Мінск, 2014. — 663 с. — ISBN 978-985-01-1095-4.