Канская акруга (Сібірскі край)

Канская акруга
Краіна	СССР
Статус	акруга
Уваходзіць у	Сібірскі край
Адміністрацыйны цэнтр	Канск
Дата ўтварэння	9 снежня 1925
Дата скасавання	30 ліпеня 1930
Насельніцтва (1926)	379,4 тыс.
Плошча	247,2 тыс.
Пераемнасць ← Канскі павет

Канская акруга (руск.: Канский округ) — адміністрацыйна-тэрытарыяльная адзінка Сібірскага краю, якая існавала ў 1925—1930 гадах.

Канская акруга была ўтворана 9 снежня 1925 года з Канскага і часткі Енісейскага паветаў Енісейскай губерні. Цэнтрам акругі быў прызначаны горад Канск. Акруга была падзелена на 14 раёнаў:

• Абанскі раён. Цэнтр — сяло Абан
• Агінскі раён. Цэнтр — сяло Агінскае
• Аманашаўскі раён. Цэнтр — сяло Аманашаўскае
• Інгашаўскі раён. Цэнтр — сяло Ніжні Інгаш
• Ірбейскі раён. Цэнтр — сяло Ірбейскае
• Канскі раён. Цэнтр — горад Канск
• Прыангарскі раён. Цэнтр — сяло Багучаны
• Раждзественскі раён. Цэнтр — сяло Раждзественскае
• Рыбінскі раён. Цэнтр — сяло Рыбінскае
• Тайшэцкі раён. Цэнтр — сяло Тайшэт
• Тасееўскі раён. Цэнтр — сяло Тасеева
• Усцьянскі раён. Цэнтр — сяло Усцьянскае
• Шыткінскі раён. Цэнтр — сяло Шыткіна

4 ліпеня 1927 цэнтр Прыангарскі раён падзелены на Багучанскі раён з цэнтрам у сяле Багучаны і Кежамскі раён з цэнтрам у сяле Кежма. У гэты ж дзень цэнтр Рыбінскага раёна перанесены ў сяло Троіцка-Заазерскае.

19 чэрвеня 1929 са скасаванай Тулунскай акругі ў Канскую акругу перададзены Ніжняудзінскі раён з цэнтрам у горадзе Ніжняудзінск.

30 ліпеня 1930 Канская акруга, як і большасць астатніх акруг СССР, была скасавана. Яе раёны былі перададзены ў прамое падпарадкаванне Усходне-Сібірскага краю.

Насельніцтва акругі ў 1926 годзе складала 379,4 тыс. чалавек. З іх рускія — 73,3 %; беларусы — 13,4 %; украінцы — 7,8 %.

• Административно-территориальное деление Сибири / И. Ф. Астраханцева, А. А. Дудоладов, М. И. Тимошенко. — Новосибирск: Западно-Сибирское кн. изд-во, 1966. — 2 000 экз.