Канстанцін Гаўрылавіч Вашчанка

Канстанцін Гаўрылавіч Вашчанка (нар. 17 лютага 1961, Кішынёў) — беларускі мастак-графік, плакатыст.

Нарадзіўся 17 лютага 1961 года ў Кішынёве^[2]. Сын беларускага мастака Гаўрылы Вашчанкі.

Скончыў Беларускі тэатральна-мастацкі інстытут у 1985 годзе. Вучыўся ў М. Селяшчука, Л. Кальмаевай, У. Савіча, В. Шаранговіча^[2].

Удзельнічае ў мастацкіх выставах з 1981 года. Член Беларускага саюза мастакоў з 1990 года. Жыве ў Мінску^[2].

Працуе ў галіне станковай і кніжнай графікі (пераважна літаграфія), плаката і камп’ютарнай графікі. Сярод асноўных твораў — серыі графічных лістоў «Паляванне за жыццём», «Абяцанне неажыццявімага»; серыі плакатаў: «Асвенцым перасцерагае», «Wellcome to Belarussian»^[2].

Творы захоўваюцца ў Музеі сучаснага выяўленчага мастацтва ў Мінску і фондах БСМ^[2].

• Вашчанка Канстанцін Гаўрылавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

• Канстанцін Гаўрылавіч Вашчанка на сайце анлайн-энцыклапедыі «Беларусь у асобах і падзеях»