Канстытуцыйны рэферэндум у Таджыкістане (2016)

Канстытуцыйны рэферэндум у Таджыкістане 2016 года
«Ці ўхваляеце вы папраўкі ў канстытуцыю краіны?» Вынік Так ці не Галасоў Адсотак Так 3 834 862 96.6% Не 134 877 3.4% Сапраўдных галасоў 3 969 739 97.79% Несапраўдных галасоў 89 683 2.21% Усяго галасоў 4 059 422 100.00% Яўка 91.63% Электарат 4 430 116

22 мая 2016 года ў Таджыкістане прайшоў канстытуцыйны рэферэндум. Усяго была прапанавана 41 папраўка ў Канстытуцыю^[1]. Змены ўключалі:

• унясенне змяненняў у артыкул 65, каб скасаваць абмежаванні прэзідэнцкіх тэрмінаў для Эмамалі Рахмона
• памяншэнне мінімальнага ўзросту для ўдзелу ў выбарах прэзідэнта з 35 да 30 гадоў
• забарона палітычных партый, заснаваных на рэлігійных платформах

Паводле афіцыйных звестак, змены ўхвалілі 96,6 % выбаршчыкаў. Заяўлена, што яўка выбаршчыкаў склала 91,63 %.

Паводле «Рэпарцёраў бяз межаў», урад Таджыкістана блакаваў, запужваў і пагражаў незалежным СМІ падчас падрыхтоўкі да рэфэрэндуму^[2]. Па словах Сяргея Сіроткіна, які ўзначальваў расійскую назіральную місію, «рэферэндум прайшоў у поўнай адпаведнасці з законамі»^[3]. Назіральнікам ад Арганізацыі па бяспецы і супрацоўніцтве ў Еўропе і яе даччынай арганізацыі БДІПЧ было адмоўлена ва ўездзе і дазволе на назіранне за рэферэндумам^[4].

У краіне было размешчана больш за 3200 выбарчых участкаў, а для таджыкскіх эмігрантаў у некалькіх буйных гарадах Расіі былі размешчаны дадатковыя месцы для галасавання^[2].