Караткакрылы мечнік

Караткакрылы мечнік
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Атрад:  Прамакрылыя Падатрад:  Ensifera Надсямейства:  Конікавыя Сямейства:  Tettigoniidae Род:  Conocephalus Від:  Караткакрылы мечнік
Міжнародная навуковая назва
Conocephalus dorsalis Latreille, 1804
Сістэматыка на Віківідах Выявы на Вікісховішчы NCBI   1323534 EOL   612427

Караткакрылы мечнiк (Conocephalus dorsalis) — насякомае сямейства сапраўдных конікаў.

Невялікае (12-19 мм), стройнае, з вельмі доўгімі вусікамі, зялёнае насякомае. Над­крылы і крылы карацейшыя за брушка (рэдка цалкам развітыя). Яйцаклад самкі (8,5-10 мм) выгнуты дагары, карацейшы чым заднія сцёгны. Цэркі самца з моцным зубцом знутры за сярэдзінай, са злёгку загнутым угару кончыкам. Заднія сцёгны знізу без шыпікаў.

Еўрапейска-паўночнасібірскі від. У Еўропе распаўсюджаны шырока, даходзіць да поўначы Скандынавіі, не дасягаючы поўдня. У Беларусі сустракаецца ў пойме р. Прыпяць у Нацыянальным парку «Прыпяцкі».

Жыве ў траве, на кустах, дрэвах у прыбярэжных біяцэнозах, аддае перавагу сырым месцам.

Рацыён складаецца з расліннай ежы і дробных насякомых.

Яйцы адкладвае ў пазухі лістоў. Імага з'яўляюцца ў ліпені і сустракаюцца да кастрычніка. Жывуць таксама калоніямі ў зарасніках асакі і чароту. Зімуюць яйцы.

Гэты від занесены ў Чырвоную кнігу Беларусі і ахоўваецца законам. IV катэгорыя (NT)