Каргадас-Карахас

Каргадас-Карахас
	фр. Cargados Carajos, англ. St. Brandon
	; Выгляд з космасу
Характарыстыкі
Колькасць астравоў	22
Агульная плошча	3,2 км²
Найвышэйшы пункт	6 м
Размяшчэнне
	16°35′ пд. ш. 59°37′ у. д.HGЯO
Акваторыя	Індыйскі акіян
Краіна	Маўрыкій;
	Каргадас-Карахас
Медыяфайлы на Вікісховішчы

Каргадас-Карахас (англ.: і фр.: Cargados Carajos), або Сент-Брэндан (англ.: St. Brandon) — архіпелаг у заходняй частцы Індыйскага акіяна. Уяўляе сабою шырокі атол з мноствам водмеляў, невялікіх астравоў і скал. Да архіпелага таксама далучаюць востраў Альбатрос, які месціцца на поўначы паасобку. Каргадас-Карахас уваходзіць у склад Маўрыкія. Агульная плошча сушы — каля 3,2 км². Сталага насельніцтва няма, аднак на востраве Іль-Рафаэль знаходзіцца метэаралагічная станцыя, якую сезонна наведваюць супрацоўнікі.

Геаграфія

Каргадас-Карахас месціцца ў заходняй частцы Індыйскага акіяна. Найбольш паўднёвы востраў Кока знаходзіцца ў 425 км на паўночны ўсход ад Порт-Луі, сталіцы Маўрыкія. Працягласць архіпелага з поўдня на поўнач — 66,2 км.

Ніжэй прадстаўлены найбольш значныя астравы Каргадас-Карахас:

Назва	Каардынаты	Плошча, км²
Альбатрос	16°13'43"S, 59°35'15"E	1,01
Іль-Рафаэль	16°27'S, 59°37'E	0,35
Кока	16°48'07"S, 59°32'44"E	0,5
Авакарэ́	16°35'S, 59°40'E	0,05
Мапарэ́	16°35'S, 59°41'E	0,3
Норт	16°19S, 59°39'E	0,206
Фрыгат	16°37'S, 59°31'E	0,197
Пёрл	16°31'S, 59°32'E	0,23

Усе астравы маюць каралавае паходжанне, даволі нізкія. Найвышэйшы пункт (6 м над узроўнем акіяна) знаходзіцца на востраве Альбатрос.

Прырода

Ізаляванасць і малая плошча астравоў Каргадас-Карахас з'яўляюцца прычынай абмежаванасці мясцовай флоры і фаўны. Большасць сушы пакрыта хмызнякамі. Усяго налічваецца 41 від наземных раслін. На астравах спыняюцца марскія птушкі, чарапахі, шмат крабаў.