Кароль Русі

Кароль Русі ці Кароль Рускі (лац.: Rex Russiae) — тытул, які Папа Рымскі Інакенцій IV надаў кіраўніку Галіцка-Валынскага княства Данілу Раманавічу ў 1253 годзе.

З наступных галіцка-валынскіх князёў каралём каранаваўся ўнук Данілы Юрый Львовіч (на аверсе яго захаванай пячаткі названы «Rex Russiae» — кароль Русі, а на рэверсе — «Dux Ladimiriae» — князь Уладзімірыі). На пячатках грамат 1316, 1325, 1327, 1334 і 1335 гг. сыны Юрыя Львовіча, Андрэй і Леў, і ўнук па дачцэ, Баляслаў-Юрый, працягвалі называцца «Rex Russiae»^[1].

«Каралеўства Русі» згадвалася ў тытуле Юрыя II Баляслава і ў тытуле польскага караля Казіміра III пасля захопу Галіцкай зямлі Польшчай у 1349 годзе^[2]. Казімір III кляпаў асобную манету для Рускага каралеўства^[3]. У сярэдзіне XIV стагоддзя, паводле дакументаў, тэрмін «Каралеўства Русі» замацоўваецца за Галічынай, у адрозненне ад Валынскай зямлі^[4].

• Бойко І. Спірні питання щодо правового статусу Руського королівства у складі Польщі (1349–1434 рр.)(укр.) // Вісник Академії правових наук України. — 2009. — № 3 (58). — С. 105—114.
• Ісаєвич Я. Д. Королевство Русь(укр.) // Енциклопедія історії України / Редкол.: В. А. Смолій (голова) та ін. НАН України. Інститут історії України.. — К.: Наукова думка, 2008. — Т. 5: Кон—Кю. — С. 568.
• Котляр М. Ф. Галицька Русь у другій половині XIV – першій половині XV ст.. — К.: Наукова думка, 1968. — 144 с.
• Sieradzki J. Regnum Russiae: polityka ruska Kazimierza Wielkiego(польск.) // Kwartalnik Historyczny. — Warszawa: Państwowy Instytut Wydawniczy, 1958. — Т. 65. — № 2. — С. 497—510.
• Soloviev A. V. «Reges» et «Regnum Russiae» au Moyen Age(фр.) // Byzantion. — Bruxelles: Fondation Byzantine, 1966. — Т. 36. — С. 144—173.
• Szyszka J. Problemy ustrojowe i prawne na Rusi Halickiej w granicach Królestwa Polskiego do 1569 roku(польск.) // Czasopismo Prawno-Historyczne. — 2015. — Т. 46. — № 1. — С. 417—437.

• Titles of European hereditary rulers-Rus