Кляштар бернардзінцаў (Дуброўна)

Манастыр
Дубровенскі кляштар бернардзінцаў
54°34′17,84″ пн. ш. 30°40′45,88″ у. д.HGЯO
Краіна	Беларусь
Горад	Дуброўна
Канфесія	Каталіцтва
Тып	мужчынскі
Дата заснавання	1630
Статус	Гісторыка-культурная каштоўнасць Беларусі, шыфр 213Г000453шыфр 213Г000453
Стан	не дзейнічае
Глобус Беларусі	globustut.by/dubrovno/in…
Медыяфайлы на Вікісховішчы

Дубровенскі кляштар бернардзінцаў — колішні кляштар у г. Дуброўне.

Драўляныя касцёл і кляштар у г. Дуброўне, пабудаваны ў 1630 годзе ў стылі барока. Касцёл — простакутны ў плане будынак, завершаны двухсхільным дахам. Галоўны фасад фланкіравалі дзве трох'ярусныя чацверыковыя вежы з купальнымі завяршэннямі і трохвугольным франтонам паміж імі. Да бакавога фасада касцёла прылягаў П-падобны ў плане двухпавярховы будынак кляштара (разам з касцёлам утвараў закрыты ўнутраны двор). Комплекс не збярогся.

У 1809 г. на іх месцы пабудаваны кляштар з касцёлам (не збярогся) бернардзінцаў.

Цяпер у будынку кляштара размешчаныя адміністрацыйныя ўстановы. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Кляштар — двухпавярховае мураванае збудаванне з узаемна перпендыкулярнымі аб'ёмамі, накрыты двухсхільнымі дахамі. Тарцы дахаў завяршаюцца трохвугольнымі франтонамі з круглымі вокнамі ў цэнтры. Планіроўка галерэйна-калідорная, у месцы злучэння аб'ёмаў вітыя ўсходы. Фасады расчлянёныя тонкімі пілястрамі, карнізамі, паяскамі. У архітэктуры кляштара выявіліся асобныя рысы стылю барока.

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000453

• На Вікісховішчы ёсць медыяфайлы па тэме Кляштар бернардзінцаў (Дуброўна)
• Кляштар бернардзінцаў (Дуброўна) на сайце Radzima.org
• Кляштар бернардзінцаў (Дуброўна) на сайце Глобус Беларусі (руск.)