Коканапрад хваёвы

Коканапрад хваёвы
Навуковая класіфікацыя
прамежныя рангі Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Інфраатрад:  Heteroneura Надсямейства:  Bombycoidea Серыя:  Bombyciformes Сямейства:  Коканапрады Падсямейства:  Lasiocampinae Трыба:  Pinarini Род:  Dendrolimus Від:  Коканапрад хваёвы
Міжнародная навуковая назва
Dendrolimus pini Linnaeus, 1758
Сістэматыка на Віківідах Выявы на Вікісховішчы NCBI   151304 EOL   382214

Коканапрад хваёвы (Dendrolimus pini) — матыль з сямейства коканапрадаў, вусені якога паяўляюцца на хвоі^[1].

Пярэднія крылы — шаравата-карычневыя^[2] з шырокай шэрай папярочнай паласой і 3 чарнаватымі зубчастымі лініямі; пасярэдзіне крыла знаходзіцца маленькая белая плямка; заднія крылы аднакалярова-бурыя; наогул, афарбоўка вельмі зменлівая і падобная на колер хваёвай кары^[3].

Самка мае размах крылаў да 8,5 см, самец — не больш за 6 см; ён адрозніваецца ад самкі, акрамя таго, больш тоўстымі грабеньчыкавымі вусікамі і больш тонкім тулавам^[3].

Буйныя вусені (да 10 см у даўжыню) шэрага колеру, з чырванаватымі валасінкамі і двума цёмна-сінімі выразамі на 2-м і 3-м грудных кольцах; на брушных кольцах знаходзіцца па 1 або па 2 цёмных плямы з больш светлай сярэдзінай. Афарбоўка вусеня, гэтак жа як і матылька, даволі моцна вар'іруе і, акрамя таго, змяняецца з узростам вусеня. Вусень ператвараецца ў цёмна-бурую кукалку, якая ляжыць у даўгаватым шэрага колеру кокане^[3].

Матылёк жыве амаль ва ўсёй Еўропе і Сібіры ў хваёвых лясах.

Маладыя вусені, якія выйшлі з яец у канцы ліпеня, ядуць ігліцу соснаў, восенню спаўзаюць з дрэў і праводзяць зіму ў подсціле каля ствалоў, ранняй вясной абуджаюцца і працягваюць харчавацца да пачатку чэрвеня, калі ператвараюцца ў кукалку.

Матылі лётаюць у другой палове ліпеня^[3].

Натуральныя ворагі хваёвага коканапрада — зязюлі (Cuculidae), наезнік Microgaster nemorum і грыбныя захворванні^[3].