Кэмеранскі ўніверсітэт

Кэмеранскі ўніверсітэт
англ.: Cameron University
Арыгінальная назва	англ.: Cameron University
Заснаваны	1908
Студэнты	3 771[1]
Краіна	ЗША
Размяшчэнне	Лоўтан, Аклахома, ЗША
Сайт	cameron.edu
Медыяфайлы на Вікісховішчы

Кэмеранскі ўніверсітэт (англ.: Cameron University) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Лоўтан у штаце Аклахома.

Універсітэт прапануе больш за 50 ступеняў па праграмах бакалаўрыяту і магістратуры. Адукацыйныя праграмы акцэнтуюць увагу на вольных мастацтвах, прыродазнаўчых навуках і інжынерыі.

Вучэльня была заснавана ў 1908 годзе, неўзабаве пасля таго, як Аклахома была прынята ў склад ЗША ў якасці самастойнага штата. Тады вучэльня была адной з шасці сельскагаспадарчых школ у пераважна сельскай мясцовасці штата. Вучэльня, што з часам стала вядома як Кэмеранская дзяржаўная школа сельскай гаспадаркі, была названа ў гонар Э. Д. Кэмерана, баптысцкага прапаведніка і першага школьнага суперінтэнданта штата Аклахома. Першыя заняткі адбыліся ў Дзень дзяржаўнасці 16 лістапада 1909 года ў падвале будынка банка, пакуль будаваўся адмысловы будынак.

• Спіс універсітэтаў штата Аклахома

• На Вікісховішчы ёсць медыяфайлы па тэме Кэмеранскі ўніверсітэт
• Афіцыйная інтэрнэт-старонка ўстановы