Леанід Канстанцінавіч Шулаеў

Леанід Канстанцінавіч Шулаеў (1 студзеня 1948, г. Ковель, Валынская вобласць) — беларускі архітэктар.

Скончыў Беларускі політэхнічны інстытут у 1972 годзе. Працаваў у Мінскпраекце, ІБіА Дзяржбуда БССР, у Белжылпраекце, з 1981 года — старшы навуковы супрацоўнік БелНДІдзіпрасельбуда^[1].

Член Саюза архітэктараў СССР з 1977 года. Пражывае ў Мінску^[1].

Асноўныя працы (у аўтарскім калектыве): ПДП жылога раёна Зялёны Луг-6, 7 (1973), комплексная схема арганізацыі камунальна-складской гаспадаркі (1974) у Мінску, прафілактычны корпус радзільні ў Барысаве (1978), серыя аднапавярховых аднакватэрных жылых дамоў з вырабаў Слуцкага будкамбіната (1982)^[1], Свята-Успенская царква ў Крупіцы, Свята-Раства-Багародзіцкая царква ў Тарасаве (1997—2001)^[2].

Дыплом на Міжнародным студэнцкім конкурсе ў г. Варна (1972)^[1].

• Шулаев Леонид Константинович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)