Лекавыя травы (альбом)

Лекавыя травы (альбом)
Лекавыя травы (альбом)
музычны альбом Re1ikt
Дата выпуску	кастрычнік 2015
Жанр	альтэрнатыўны рок
Прафесійныя рэцэнзіі
	Experty.by ;

«Ле́кавыя тра́вы» — чацвёрты студыйны альбом гурта «Relikt», які быў запісаны на «Studio-X» (Польшча) і выдадзены ў 2015 годзе.^[2]

Гісторыя стварэння

На вокладцы альбома — траўніца Зоня Ігнатаўна Рудзько з вёскі Рачэнь Любанскага раёна. Песня «Хадзіла галота» патрапіла на альбом дзякуючы Сержуку Доўгушаву, песня паходзіць з вёскi Слабада Лельчыцкага раёна. Песні «Чаго ты, лосю» і «Дождж ідзець» — з Віцебшчыны. Прэзентацыя альбома адбылася 7 снежня 2015 года ў Мінску.^[3]

Змест

№	Назва	Словы	Музыка	Працягласць
1.	«Лекавыя травы»	А. Дземідзенка	А. Дземідзенка/В. Макшун	7:58
2.	«Люцэрна»	А. Дземідзенка	А. Дземідзенка	5:42
3.	«Хадзіла галота…»	народныя	А. Дземідзенка/В. Макшун/З. Наркевіч	7:32
4.	«Яшчарка»	А. Дземідзенка	А. Дземідзенка/В. Макшун	7:36
5.	«Чаго ты, Лося…»	А. Дземідзенка	А. Дземідзенка/В. Макшун/У. Казлоў/З. Наркевіч	6:13
6.	«Балотныя агні»	народныя	В. Макшун/А. Дземідзенка	4:27
7.	«Зрушаны свет»	У. Казлоў	А. Дземідзенка	5:42
8.	«Кабета інсекта»	А. Дземідзенка	В. Макшун	3:13
9.	«Дождж ідзець…»	народныя	А. Дземідзенка/В. Макшун	5:56

Удзельнікі

Уладзь Казлоў — спевы, казу, мелодыка
Віталь Макшун — гітары
Зміцер Наркевіч — бас-гітара, цін вістл
Алесь Дземідзенка — бубны, перкусія

Запрошаныя персоны

Аляксей Бор — банжа (6)
аранжыроўкі — гурт «Re1ikt»
запіс — «Studio X» (Ольштын, Польшча), «Everest Media» (Мінск, Беларусь)
звядзенне і мастэрынг — Павел Сініла на студыі «Everest Media» (Мінск, Беларусь)

Водгукі крытыкаў

Музычны журналіст Сяргей Будкін з сайта Budzma.by мяркуе, што «у альбоме „Лекавыя травы“ адчуваецца моцны стрыжань — як ідэйны, так і музычны». Музычны крытык Аляксандр Чарнуха з партала Experty.by адзначыў, што «новы альбом Re1ikt адназначна апраўдвае ўсе чаканні: гэта сур’ёзны крок наперад, дзякуючы якому гурт можна па праве называць адным з найлепшых гітарных калектываў краіны». Музычны журналіст Ягор Цывілька з партала Experty.by заўважыў, што «у „Лекавых травах“ вельмі заўважна, што 4 гады для гурта не прайшлі дарма, адчуваецца, наколькі вырас узровень музыкі, саміх музыкаў і асабліва вакалу». Музычны крытык Дзмітрый Безкаравайны з партала Experty.by падсумоўвае: «У выніку „Лекавыя травы“ — гэта прыгода, дзе касмапалітычная рок-музыка выдатна спалучаецца з вельмі лакальнымі каранямі, дзе цікавая форма не ўплывае на змест».

Зноскі

↑ "Лекавыя травы" (+аўдыё) (бел.). Experty.by (30 снежня 2015). Архівавана з першакрыніцы 29 сакавіка 2023. Праверана 26 кастрычніка 2023.
↑ RE1IKT. ВАНДРОЎКА Ў БЕЛАРУСКІ ІНШАСЬВЕТ (бел.). Тузін Гітоў (1 лютага 2016). Архівавана з першакрыніцы 29 верасня 2021. Праверана 26 кастрычніка 2023.
↑ “Лекавыя травы” з фолькам (бел.). Культура (5 снежня 2015). Архівавана з першакрыніцы 23 сакавіка 2023. Праверана 26 кастрычніка 2023.