Лідзія Анатольеўна Таран

Лідзія Анатольеўна Таран (укр.: Лідія Анатоліївна Таран; нар. 19 верасня 1977, Кіеў, УССР) — украінская тэлевядучая. Уладальніца прэмій «Телезірка» і «Телетріумф». Валодае англійскай і французскай мовамі.

Нарадзілася ў Кіеве, у сям’і журналістаў^[1]. Да жніўня 2010 года была ў грамадзянскім шлюбе з вядучым Андрэем Даманскім^[2], з якім мае дачку Васілісу^[3]. Любіць вандроўкі і горныя лыжы^[4]. Даволі часта мяняе імідж.

Пачала журналісцкую кар’еру з радыё, аднак вядомасць атрымала на тэлебачанні. Акрамя асноўнай прафесіі, Таран паспяхова займаецца ўласным сацыяльным праектам «Здійснити мрію», мэта якога — рэалізаваць мары цяжкахворых дзяцей ва Украіне.

• 1994—1995 — вядучая інфармацыйна-забаўляльных праграм радыё «Промінь», «Довіра».
• 1995—1998 — рэдактар і вядучая праграм на некалькіх радыёстанцыях.
• 1998—2004 — вядучая на «Новым канале» («Репортер», «Спортрепортер», «Підйом», «Гол»)
• 2005—2009 — вядучая на «5 канале» («Час новин»)
• з 2009 — вядучая на тэлеканалах «1+1» («Я люблю Україну», «Сніданок з 1+1», «ТСН») і 2+2 («ПроФутбол»)

Удзельнічала ў трэцім сезоне праекта «Танцюю для тебе». У снежні 2011 года ўдзельнічала ў шоў «Краса по-українськи». У 2012 годзе прыняла ўдзел у праекце канала «1+1» «І прийде кохання».

• «Телетріумф» у намінацыі «Вядучы інфармацыйнай праграмы»
• 2003 — «Телетріумф» у намінацыі «Спартыўны каментатар, вядучы спартыўнай праграмы»

• Профіль на сайце facebook
• https://www.instagram.com/lidiyataran/
• Профіль на сайце 1+1
• Stars Бландынка — Лідзія Таран (руск.)
• Лідзія Таран (руск.)
• Профіль на сайце liga.net (руск.)
• ЛІДЗІЯ ТАРАН І ВОЛЬГА ФРЭЙМУТ У РУБРЫЦЫ «СВОЙ МАЙСТАР» (руск.)