Мсціўцы

Мсціўцы
Мсціўцы
	Avengers
	; Вокладка Новыя Мсціўцы # 1 (люты 2005)
Інфармацыя пра выдавецтва
Выдавец	Marvel Comics
Стваральнікі	Стэн Лі і Джэк Кірбі
Інфармацыя пра каманду
Штаб-кватэра	Вежа Старка, Манхэтэн, Нью-Ёрк
Члены	Жалезны чалавек, Тор, Халк, Чорная ўдава, Сакалінае Вока, Капітан Амерыка, Чалавек-павук
Спіс	list of Avengers members[d]
	Медыяфайлы на Вікісховішчы

«Мсціўцы» (англ.: Avengers) — элітная каманда супергерояў з коміксаў кампаніі Marvel Comics. Яна была створаная пісьменнікам Стэнам Лі і мастаком Джэкам Кірбі і ўпершыню з’явілася ў коміксе The Avengers #1 у верасні 1963 года.

Мсціўцы, празваныя пасля «самымі магутнымі героямі Зямлі», першапачаткова складаліся з Чалавека-Мураша, Асы, Тора, Жалезнага Чалавека і Халка. Аднак з самага пачатку ў складзе каманды сталі адбывацца змены: Халк неўзабаве пакінуў Мсціўцаў, і да іх далучыўся Капітан Амерыка. Зменлівы склад стаў візітоўкай каманды, хоць некаторая сталасць усё ж такі захоўвалася: Мсціўцы змагаліся з такімі ворагамі, адолець якіх у адзіночку не мог ніводны супергерой — так з’явілася фірмавая фраза: «Мсціўцы, збор!»(англ.: Avengers Assemble!). За ўвесь час існавання каманды ў ёй пабывалі людзі, мутанты, робаты, багі, прышэльцы, звышнатуральныя істоты і нават былыя ліхадзеі.