Музей крапінскіх неандэртальцаў

Музей крапінскіх неандэртальцаў
Muzej krapinskih neandertalaca
Уваход у музей
Заснаваны	2010
Месцазнаходжанне	Крапіна, Харватыя
mkn.mhz.hr (харв.)
Медыяфайлы на Вікісховішчы

Музей крапінскіх неандэртальцаў (харв.: Muzej krapinskih neandertalaca), таксама Палеанталагічны музей — археалагічны музей, размешчаны ў харвацкім горадзе Крапіна, паблізу ад Заграба.

У музеі прадстаўлены экспанаты старажытнай гісторыі чалавека, перш за ўсё, рэчы з жыцця неандэртальцаў, якія жылі тут 130 000 гадоў назад^[1]. Крапінскія неандэртальцы практыкавалі канібалізм^[2] і хварэлі на рак^[3].

У 2010 годзе, пасля 10-гадовага будаўніцтва, быў адкрыты новы музей на 1200 кв. м, які лічыцца самым сучасным у Еўропе. З дапамогай аўдыёсістэмы можна праслухаць экскурсію на англійскай, харвацкай, нямецкай, французскай і італьянскай мовах. Музею належыць таксама месца раскопак, размешчанае непадалёк, дзе ў 1899 годзе былі знойдзены косці неандэртальцаў.

Музей размешчаны ў парку, упрыгожаным скульптурнымі выявамі жывёл эпохі плейстацэну і першабытных людзей.

• Пячора Віндзія

• Jakov Radovčić, Fred H. Smith, Erik Trinkaus und Milford H. Wolpoff: The Krapina Hominids: An Illustrated Catalog of the Skeletal Collection. Mladost Press and the Croatian Natural History Museum, Zagreb 1988

• Афіцыйная старонка музея Архівавана 17 ліпеня 2010.
• Фота з музея Архівавана 1 сакавіка 2010.