Мікалай Аляксандравіч Дзяшкевіч

Мікалай Аляксандравіч Дзяшкевіч (11 мая 1947, Пагор’е, Карэліцкі раён — 1 жніўня 1971) — савецкі і беларускі літаратуразнавец, музеязнаўца, тэатральны крытык.

Нарадзіўся на Гродзеншчыне, у в. Пагор’е каля Шчорсаў. Скончыў Астахаўскую сярэднюю школу. Паступіў і скончыў Мінскі педагагічны інстытут імя М. Горкага. Пасля сканчэння інстытута — супрацоўнік Дзяржаўнага літаратурнага музея Янкі Купалы.

Аўтар даследавання пра Янку Купалу «Ад вытокаў радаводных», дзе адным з першых падрабязна разгледзеў радавод песняра, яго шляхецкае паходжанне. Удзельнік перадач «Школьнае тэлебачанне», прысвечаных Янку Купалу.

Аўтар нататак прысвечаных Р. Барадуліну, С. Станюце, Г. Аўсяннікаву і іншым дзеячам беларускай культуры.

Трагічна загінуў 1 жніўня 1971 года на р. Нёман, калі ўратоўваў жанчыну з дзяцёнкам.

Пахаваны на могілках в. Пагор’е Карэліцкага раёна.

• Яўген ЛЕЦКА. БАЛЮЧАЯ СТРАТА  (бел.). «Новы Час» (29 кастрычнiка 2010 г. № 39 (215)). Архівавана з першакрыніцы 4 мая 2016.