Мікалай Кірылавіч Крыжаноўскі

Мікалай Кірылавіч Крыжаноўскі
Нараджэнне	1 сакавіка 1937(1937-03-01) Бабруйск, Бабруйскі раён, БССР, СССР
Смерць	17 снежня 2024(2024-12-17) (87 гадоў)
Партыя	Партыя БНФ КПСС (чэрвень 1990)
Адукацыя	Паўночна-Заходні дзяржаўны завочны тэхнічны ўніверсітэт
Узнагароды

Мікалай Кірылавіч Крыжаноўскі (1 сакавіка 1937(1937-03-01), Бабруйск — 17 снежня 2024(2024-12-17)) — беларускі палітык, у 1990—1995 гадах адзін з членаў Апазіцыі БНФ у складзе Вярхоўнага Савета БССР 12-га склікання.

Нарадзіўся 1 сакавіка 1937 года ў Бабруйску.

Скончыў Паўночна-Заходні політэхнічны інстытут у Ленінградзе.

Быў членам Камісіі Вярхоўнага Савета Рэспублікі Беларусь па пытаннях развіцця прамысловасці, энергетыкі, транспарту, сувязі і інфарматыкі, членам Часовай камісіі Вярхоўнага Савета па прывілеях. Член Канстытуцыйнай Камісіі. Член Ценявога Кабінета (урада) Апазіцыі БНФ у Вярхоўным Савеце, уваходзіў у камітэт па барацьбе з карупцыяй^[1].

Удзельнічаў у распрацоўцы і прыняцці Дэкларацыі аб дзяржаўным суверэнітэце Беларусі, падрыхтоўцы законапраектаў да нечарговай сесіі Вярхоўнага Савета 24-25 жніўня 1991 года, на якой была абвешчана незалежнасць Беларусі.

Сааўтар канцэпцыі пераходу Беларускай ССР на рыначную эканоміку (восень 1990 года), асноўных накірункаў рэформаў для выхаду з крызысу — перадвыбарчая эканамічная платформа БНФ «Адраджэньне» (вясна 1995 года), сааўтар шэрагу законапраектаў.

Удзельнік галадоўкі 11 — 12 красавіка 1995 года ў Авальнай залі, абвешчанай у знак пратэсту супраць ініцыяванага Лукашэнкам рэферэндума аб ліквідацыі статуса беларускай мовы як адзінай дзяржаўнай, ліквідацыі статуса дзяржаўных сімвалаў герба «Пагоня» і бела-чырвона-белага сцяга, эканамічнай інтэграцыі з Расіяй і праве прэзідэнта распускаць Вярхоўны Савет.

Памёр 17 снежня 2024 года.

• Сяргей Навумчык, Зянон Пазняк. Дэпутаты незалежнасьці. — Нью-Ёрк, Вільня, Варшава: «Беларускія Ведамасьці», Таварыства Беларускай Культуры ў Летуве, 2010. — ISBN 978-9955-578-11-6.