Мікалай Трафімавіч Шарамет

Мікалай Трафімавіч Шарамет
Род дзейнасці	будаўнік, кіраўнік
Дата нараджэння	8 студзеня 1945(1945-01-08) (80 гадоў)
Альма-матар	Мінскі дзяржаўны архітэктурна-будаўнічы каледж
Узнагароды і прэміі	Ганаровая грамата Савета Міністраў Рэспублікі Беларусь (2015)

Мікалай Трафімавіч Шарамет (1945 —) — беларускі будаўнік і гаспадарчы дзеяч. Заслужаны будаўнік Рэспублікі Беларусь (2002)^[1].

Не паступіўшы з першага раза ў Мінскі політэхнічны інстытут, пайшоў рабочым ва УНР № 78 спецтрэста № 15^[1].

У 1962 годзе без адрыву ад вытворчасці Мікалай Трафімавіч скончыў вячэрнія курсы па спецыяльнасці «Газаэлектразваршчык», пазней — вячэрняе аддзяленне Мінскага архітэктурна-будаўнічага тэхнікума па спецыяльнасці «Водазабеспячэнне і водаадвядзенне». Атрыманыя веды і вопыт адкрылі перад маладым спецыялістам новыя магчымасці: ён працаваў майстрам, прарабам, начальнікам участка, начальнікам упраўлення ПТК трэста. У 1981 годзе, пасля заканчэння інстытута, быў прызначаны начальнікам СУ-72, а пазней галоўным інжынерам спецтрэста № 15. Агулам у спецтрэсце ён прапрацаваў больш за 25 гадоў. Са жніўня 1986 года быў прызначаны кіраўніком будтрэста № 4, дзе таксама прапрацаваў чвэрць стагоддзя^[1].

У 2011 годзе Мікалай Шарамет быў абраны старшынёй Праўлення Саюза Будаўнікоў Рэспублікі Беларусь^[1].

• Николай и Ирина Шеремет вместе уже полвека. Они уверены: счастье строится совместными усилиями(недаступная спасылка) (руск.)