Мінскі маргарынавы завод

Мінскі маргарынавы завод
Тып	прадпрыемства
Заснаванне	14 верасня 1946
Краіна	Беларусь
Прадукцыя	алей[1], гарчыца[2], кетчуп[3], Маргарын[4], маянэз[5], соус[6], Спрэд[d][7] і спрэд[8]
Абарот	29,8 млн $ (2021)[9]
Аперацыйны прыбытак	4,23 млн $ (2021)[9]
Чысты прыбытак	3,19 млн $ (2021)[9]
Колькасць супрацоўнікаў	381 чал. (2022)[10]
Матчына кампанія	Белдзяржхарчпрам[10]
Сайт	margarin.by/by/

ААТ «Мінскі маргарынавы завод» — беларускае прадпрыемства харчовай прамысловасці, размешчанае ў Мінску. Уваходзіць у дзяржаўны канцэрн «Белдзяржхарчпрам».

Завод заснаваны пастановай Савета Міністраў СССР 14 верасня 1946 года. 17 красавіка 1951 года прадпрыемства ўведзена ў эксплуатацыю: была атрымана першая маргарынавая прадукцыя. У 1953 годзе ўведзены ў эксплуатацыю маянэзны цэх.

18 сакавіка 1981 года завод быў узнагароджаны ордэнам Дружбы народаў^[11].

30 снежня 1993 года прадпрыемства пераўтворана ў адкрытае акцыянернае таварыства, значны пакет акцый апынуўся ў дырэктара прадпрыемства. У 1990-я гады яно было рэканструявана з удзелам венгерскіх кампаній, планавалася арганізацыя піваварнай вытворчасці. У 1998 годзе Аляксандр Лукашэнка ў публічным выступе раскрытыкаваў дырэктара прадпрыемства, абвінаваціўшы ў спробе прыватызацыі завода. Пасля яго сыходу з пасады доля дзяржавы на заводзе была даведзена да 82 %. У 2002 годзе суд распачаў справу аб банкруцтве завода, быў уведзены ахоўны перыяд, і да 2008 года прадпрыемства расплацілася з абавязкамі. У 2006—2007 гадах завод мадэрнізаваў вытворчасць, закупіўшы новае абсталяванне^{[12][13][14][15][16][17][18][19][20]}.

Завод вырабляе алейна-тлушчавую прадукцыю (маргарын, спрэды, маянэз, алей сланечнікавы, соусы) пад гандлёвай маркай «Залатая кропля»^[14]. У 2015 годзе было выраблена 7,4 тыс. т маргарыну і тлушчаў, 6,3 тыс. т маянэзных прадуктаў, 3,6 тыс. т расліннага алею, 0,6 тыс. т спрэдаў, сырнага прадукту, хрэна, гарчыцы, кетчупа. 95,6% прадукцыі пастаўляецца на ўнутраны рынак Рэспублікі Беларусь, асноўны напрамак экспарту — Расія. 73,8% прадукцыі было пастаўлена на спажывецкі рынак, 26,2% — прамысловым прадпрыемствам. У 2015 годзе прадпрыемства ўтрымлівала 38,6% рынку маргарынавай прадукцыі ў рэспубліцы і 27,7% рынку маянэзу. Магутнасці прадпрыемства разлічаны на штогадовую вытворчасць 13,7 тыс. т маргарыну, 11,3 тыс. т маянэзу, кетчупа, хрэна і гарчыцы, 7,1 тыс. т рафінаваных фасаваных раслінных алеяў^[21].

Станам на 2016 год, 94,09556% акцый прадпрыемства (526,4 тыс. з 559,4 тыс.) знаходзілася ў дзяржаўнай уласнасці^[22]. Прадпрыемства было ўнесена ў план прыватызацыі на 2011—2013 гады^[23], аналагічныя планы былі абвешчаныя ў 2016 годзе^[24].

• Афіцыйны сайт