Міхаіл Мікалаевіч Веславухаў

Міхаіл Мікалаевіч Веславухаў
Міхаіл Мікалаевіч Веславухаў
Дата нараджэння	10 студзеня 1947
Месца нараджэння	Аршанскі раён, Віцебская вобласць, Беларуская ССР, СССР;
Дата смерці	16 сакавіка 2021 (74 гады)
Грамадзянства	СССР; Беларусь;
Партыя	КПСС;
Узнагароды	Ганаровая грамата Савета Міністраў Рэспублікі Беларусь (2007)

Міхаіл Мікалаевіч Веславухаў (10 студзеня 1947, в. Альхоўка, Аршанскі раён, Віцебская вобласць — 16 сакавіка 2021) — беларускі палітык і мытнік.

Дэпутат Вярхоўнага Савета Рэспублікі Беларусь 12-га склікання (1990—1995).

Біяграфія

Нарадзіўся 10 студзеня 1947 года ў в. Альхоўка Аршанскага раёна Віцебскай вобласці.

Працаваў старшынёй Аршанскага раённага выканаўчага камітэта, член КПСС.

У 1990 годзе абраны дэпутатам Вярхоўнага Савета Рэспублікі Беларусь 12-га склікання. Балатаваўся па Бабініцкай выбарчай акрузе № 154.

З чэрвеня 1993 года да жніўня 2002 года працаваў начальнікам Аршанскай мытні. У верасні 2002 года ў сувязі з рэарганізацыяй Аршанскай мытні прызначаны намеснікам начальніка Віцебскай мытні — начальнікам Аршанскага мытнага паста. 31 жніўня 2009 года выйшаў у адстаўку ў званні саветніка мытнай службы першага ранга.

Памёр 16 сакавіка 2021 года.

Палітычныя погляды

Напярэдадні рэферэндума 1995 года ў Беларусі ў газеце «Звязда» разам з 72 дэпутатамі заклікаў да змены дзяржаўных сімвалаў Рэспублікі Беларусь (герба Пагоня на абноўлены герб БССР і бела-чырвона-белага сцяга на абноўлены чырвона-зялёны сцяг БССР), а таксама за наданне рускай мове статусу дзяржаўнай.