Набярэжная ракі Дон
Набярэжная рэкі Дон — у горадзе Растоў-на-Доне пачынаецца ад бізнес-цэнтра Рыверсайд-Дон і сканчаецца каля прычала рэстарана Пірс. Праходзіць па правым боку рэкі, а на левым боку Дона знаходзіцца так званы Леўбердон. АпісаннеГарадская набярэжная, названая ганарлівым імем аднаго з найзнакаміцейшых рускіх флатаводцаў Фёдара Ушакова — адна з самых вядомых славутасцей горада. Больш за ўсё турыстаў, якія спусціліся на Гарадскую набярэжную, цешыць сустрэча са знаёмымі героямі: Нахабнічкам і дзедам Шчукаром. Шпацырныя катэры і цеплаходы практычна ў кожны час сутак гатовы адвезці адпачыннікаў у патрэбнае месца ці проста пакатаць па Доне. Пышныя выгляды адкрываюцца з верхняй палубы цеплаходаў. На Гарадской набярэжнай, праходзяць усе народныя гулянні. Штогод на Дзень горада ўсе гарадскія дыяспары рыхтуюць свае нацыянальныя пачастункі і выносяць накрытыя сталы на набярэжную. Тут могуць пачаставаць татарскімі бяляшамі і ўзбекскім пловам, грэцкімі маслінамі і беларускімі дранікамі. А асяціны не адпусцяць вас без куфля віна. Ранняй вясной Гарадская набярэжная апранаецца ў далікатную зеляніну лістоты. Свежае дыханне вясны цешыць сваім чароўным водарам. Улетку набярэжная расквітае буянствам фарбаў: яркая зеляніна траўнікаў адцяняецца шматкаляровай палітрай квітнеючых раслін. Прыемна сесці на адну з лавак у цені разлогага дрэва, паслабіцца і панаглядаць за тым як міма праплываюць цеплаходы. Растоўская набярэжная выдатная ўлетку, каларыт так і бачны — Летнія фарбы змяняюць чырвона-жоўтыя колеры восені. Гэты самы рамантычны час для шпацыраў уздоўж Дона. А зімой берага рэкі накрыты белым пухнатым снегам. Зусім у сталіцы поўдня — Растове-на-Доне найлепей бываць з сярэдзіны вясны да сярэдзіны восені, вось тады вельмі прыгожа. 30 чэрвеня 2012 года на штогадовым «Фестывалі рэкі Дон» і да дня 75-годдзю Растоўскай вобласці на набярэжнай быў адкрыты фантан «Пятроўскі». Ён размешчаны на куце набярэжнай пр. Сямашкі[1]. Будаўніцтва фантана ажыццёўлена за кошт сродкаў прыватнага фундатара - Групы кампаній «Данскі прычал». Агульны аб'ём інвестыцый на ўзвядзенне склаў больш 36 млн. руб[2]. Фантан «Пятроўскі» - гэта фантан новага пакалення. Ён з'яўляецца святломузычным і шматфункцыяльным. Фантанам кіруюць не простыя вадзяныя засаўкі, а цэлы праграмна-апаратны комплекс электронікі. Фантан здольны выконваць 10 маляўнічых водна-светлавых кампазіцый пад музыку. Сістэма помпаў з частотнымі рэгулятарамі, хуткаходных клапанаў, падвадных свяцільняў працуе як адзіны суладны аркестр у рэжыме воднага шоу. Працягласць выканання мелодый складае ад паўтары да трох з паловай хвілін. «Пятроўскі» таксама з'яўляецца адзіным у Растове-на-Доне фантанам, што не мае басейна, ён плоскасцевы (сухі). Вадзяная чара фантана схавана пад гарызантальнай плоскасцю,вада выкідваецца проста на плітку, што ляжыць на роўні асфальту. Потым струмені сыходзяць у каналы фантана і пасля фільтрацыі зноў паступае ў яго бруі. «Пятроўскі» можа дэманстраваць больш за сто варыянтаў розных вадаспадаў, а вечарамі працаваць і ў колера-музычным рэжыме. У падсвятленні выкарыстоўваюцца белы, сіні, фіялетавы, жоўты, чырвоны, зялёны і бірузовы колеры.Пры праектаванні фантана была ўлічана нават магчымасць хуткасць і кірунак ветру, у выпадку змены ўмоў адмысловы датчык аўтаматычна зніжае вышыню бруй. Дызайнерскай асаблівасцю фантана стала намаляваная на гранітнай плітцы ружа вятроў. У 2013 годзе ў адміністрацыі Растова-на-Доне быў прынята рашэнне пра будаванне выстаўнага павільёна і новых кафэ на набярэжнай ракі Дон. Таксама ў 2013 годзе мэр Растова Міхаіл Чарнышоў падпісаў пастанову пра ўсталёўку на набярэжнай некалькіх скульптур. Новыя манументы ўяўляюць сабою кампазіцыі на тэму данскога краю — «Рыбак», «Рак», «Купанне каня», «Рыгор і Аксіння ў лодцы», «Дон-бацечка», «Мастак». Усе скульптуры будуць усталяваны на прынцыпах дабрачыннасці[3], першыя скульптуры ўжо ўстаноўлены. Зноскі
|
||||||||||||||||||
Portal di Ensiklopedia Dunia
