Насток слівападобны

Насток слівападобны
Навуковая класіфікацыя
Дамен:  Бактэрыі Тып:  Цыанабактэрыі Клас:  Гармагоніевыя Парадак:  Настокавыя Сямейства:  Настокавыя Род:  Насток Від:  Насток слівападобны
Міжнародная навуковая назва
Nostoc pruniforme C.Agardh ex Bornet and Flahault, 1886
Сістэматыка на Віківідах Выявы на Вікісховішчы ITIS   1168 NCBI   1521620 EOL   916511

Насток слівападобны (Nostoc pruniforme) — від сіне-зялёных водарасцей роду Насток (Nostoc) сямейства Настокавыя (Nostocaceae).

Калоніі шара- або эліпсападобныя, нагадваюць плады вінаграду ці слівы, дасягаюць велічыні курынага яйка, ярка-сіне-зялёныя, аліўкавыя да чорна-карычневых, з моцным перыдэрмам, унутры мяккія, іншы раз з цэнтральнай поласцю. Трыхомы рыхла пераплеценыя, часам радыяльна размешчаныя ад цэнтра да перыферыі, з добра прыкметнымі бясколернымі або жаўтаватымі похвамі, шырынёй 4—6 мкм, з коратка бочачкападобнымі або слаба падоўжанымі клеткамі, амаль шарападобнымі гетэрацыстамі (6—7 мкм) і спорамі (каля 10 мкм).

Месцы росту — сажалкі і азёры. Пашырэнне: Заходняя Еўропа, Азія; у Беларусі знойдзены ў возеры Нарач.

Свабодна плаваюць у тоўшчы вады або збіраюцца на глеістым дне вадаёмаў, у літаральнай зоне. Калоніі трапляюцца ў асноўным невялікімі групамі.

Размнажаецца спорамі.

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: Беларуская Энцыклапедыя, 1993. — ISBN 5-85700-095-5.

Гэты від занесены ў Чырвоную кнігу Беларусі і ахоўваецца законам. IV катэгорыя (NT)

• Носток сливовидный — Nostoc pruniforme Ag. // Экологический центр «Экосистема»™, А. С. Боголюбов (руск.)
• Species Nostoc pruniforme // LPSN — List of Prokaryotic names with Standing in Nomenclature (англ.)
• Носток сливовидный // Красная книга Саенкт-Петербурга (руск.)