Наталля Віктараўна Даўгяла

Наталля Віктараўна Даўгяла
Наталля Віктараўна Даўгяла
Дата нараджэння	1978
Грамадзянства	Беларусь
Род дзейнасці	выкладчыца ўніверсітэта
Навуковая сфера	гісторыя
Месца працы	Полацкі дзяржаўны ўніверсітэт імя Ефрасінні Полацкай;
Навуковая ступень	кандыдат гістарычных навук
Альма-матар	Полацкі дзяржаўны ўніверсітэт імя Ефрасінні Полацкай; гісторыка-філалагічны факультэт ПДУ;
Навуковы кіраўнік	Ігар Аляксандравіч Марзалюк
Узнагароды	грамата Міністэрства адукацыі Рэспублікі Беларусь Нагрудны знак «За ўклад у патрыятычнае выхаванне моладзі»[d]

Наталля Віктараўна Даўгяла (нар. у 1978 годзе) — беларускі гісторык, педагог, кандыдат гістарычных навук.

Біяграфічныя звесткі

Скончыла ў 2000 годзе гісторыка-філалагічны факультэт Полацкага дзяржаўнага ўніверсітэта па спецыяльнасці «Гісторыя», атрымаўшы дыплом з адзнакай. У 2008—2012 гадах навучалася ў аспірантуры Магілёўскага дзяржаўнага ўніверсітэта імя А. А. Куляшова.

Дысертацыю на саісканне вучонай ступені кандыдата гістарычных навук па спецыяльнасці «Айчынная гісторыя» абараніла 18 мая 2016 года ў Інстытуце гісторыі Нацыянальнай акадэміі навук Беларусі. Тэма дысертацыі: «Канфесійная палітыка ў Беларускай ССР у 1921—1939 гг.». Навуковы кіраўнік — Ігар Аляксандравіч Марзалюк.

З часу заканчэння ўніверсітэта ў 2000 годзе і па сёняшні дзень працуе ў Полацкім дзяржаўным універсітэце: з’яўлялася выкладчыкам, старэйшым выкладчыкам, дацэнтам кафедры сацыяльна-гуманітарных дысцыплін. Займае пасаду загадчыка кафедры тэхналогіі і методыкі выкладання гуманітарнага факультэта Полацкага дзяржаўнага ўніверсітэта.

Навуковая дзейнасць

Займаецца вывучэннем пытанняў канфесіянальнай гісторыя Беларусі, канфесіянальнай палітыкі савецкай улады ў БССР, царкоўнай гісторыі і гісторыі рэлігійна-канфесійных адносін на беларускіх землях у першай палове ХХ стагоддзя, пытанняў спецыфікі ўзаемадзеяння савецкай дзяржавы і веруючых і інш. Вывучае гісторыю праваслаўя на Беларусі, гісторыю манаскіх супольнасцяў і іх дзейнасць на тэрыторыі Беларусі. Даследуе гісторыю асобных храмаў і манастыроў, страчаныя архітэктурныя аб’екты сакральнай гісторыі Полацка і Паўночнай Беларусі і інш.

Узнагароды і прэміі

2008 — ганаровая грамата Наваполацкага гарадскога савета дэпутатаў і Наваполацкага гарадскога выканаўчага камітэта
2010 — нагрудны памятны знак Полацкага дзяржаўнага ўніверсітэта «За ўклад у патрыятычнае выхаванне моладзі»
2017 — грамата Міністэрства адукацыі Рэспублікі Беларусь

Бібліяграфія

Выбраныя навуковыя артыкулы

Межконфессиональные отношения в БССР в 20-х годах ХХ века / Н. В. Довгяло // Веснік Брэсцкага універсітэта. — 2010. — № 1. — С. 11-17.
Законодательные основы политики БССР в области религии в 1924―1939 годах / Н. В. Довгяло // Веснік Полацкага дзяржаўнага ўніверсітэта. — 2012. ― № 1. ― С. 77―81.
Влияние государственной власти на внутрицерковные процессы в Русской Православной Церкви в БССР в 1924―1939 годы / Н. В. Довгяло // Веснік Полацкага дзяржаўнага ўніверсітэта. — 2015. ― № 1. ― С. 102―108.
Меры экономического воздействия на конфессии в БССР в 1921―1939 гг. / Н. В. Довгяло // Веснік Полацкага дзяржаўнага ўніверсітэта. — 2018. ― № 1. ― С. 39―43.
Массовые выступления верующих против антирелигиозной политики государства в БССР в 1928―1930 гг. / Н. В. Довгяло // Веснік Полацкага дзяржаўнага ўніверсітэта. — 2020. ― № 1. ― С. 51―54.