Нацыянальна-вызваленчая армія Лівіі

Нацыянальна-вызваленчая армія Лівіі
Нацыянальна-вызваленчая армія Лівіі
	араб. جيش التحرير الوطني الليبي‎
	; Сцяг лівійскіх паўстанцаў
Гады існавання	сакавік — кастрычнік 2011 года
Краіна	Лівія
Падпарадкаванне	Нацыянальны Пераходны Савет Лівіі
Тып	Узброеныя сілы
Колькасць	90 000
Дыслакацыя	Бенгазі
Дэвіз	«Свабодная армія, свабодная Лівія!»
Колеры	чырвоны, чорны, зялёны
Удзел у	Грамадзянская вайна ў Лівіі (2011)
Камандзіры
Вядомыя камандзіры	Абдул Фатах Юніс † ; Халіфа Хафтар

Нацыянальна-вызваленчая армія Лівіі (араб. جيش التحرير الوطني الليبي‎, jaysh al-taḥrīr al-waṭanī al-lībī)^[1] — лівійская ваенная арганізацыя, звязаная з Нацыянальным пераходным саветам Лівіі, якая была створана ў працэсе Грамадзянскай вайны ў Лівіі ваеннымі і грамадзянскімі добраахвотнікамі, з мэтай удзелу ў бітвах супраць членаў лівійскіх узброеных сіл і апалчэнцаў, верных Муамару Кадафі.

Узбраенне і тэхніка Нацыянальнай вызваленчай арміі паступалі з кінутых складоў лівійскіх узброеных сілаў, асабліва ва ўсходняй Лівіі: Бенгазі, Аль-Байда і Адждабіі^[2], ад краін НАТА, Егіпта^[3], Катара^[4], Швейцарыі^[5] і Малдовы^[6].

Камуфляжная форма НВАЛ выдадзена Катарам. Паўстанцы, як было заўважана ў Адждабіі, насілі ваенную форму для палявых вучэнняў і гаспадарчых работ^[7]^[8].