Наўэль Маліна

Наўэль Маліна
Наўэль Маліна
Агульная інфармацыя
Нарадзіўся	6 красавіка 1998 (27 гадоў); Embalse[d], Каламучыта[d], правінцыя Кордава, Аргенціна;
Грамадзянства	Аргенціна;
Рост	175 см
Вага	70 кг
Пазіцыя	абаронца
	Медыяфайлы на Вікісховішчы

Наўэ́ль Малі́на (ісп.: Nahuel Molina; нар. 6 красавіка 1998) — аргенцінскі футбаліст, правы абаронца іспанскага клуба «Атлетыка» і нацыянальнай зборнай Аргенціны.

Кар’ера

Клубная

Маліна браў удзел у спартыўным праекце іспанскай «Барселоны», якая стварыла ў Аргенціне падрыхтоўчы лагер^[3]. Маліна атрымаў ухвалу, а таксама быў накіраваны ў Барселону, каб далучыцца да мясцовай акадэміі. У 2012 годзе гэты праект быў інтэграваны ў моладзевы склад «Бока Хуніярс», і Маліна працягнуў трэнавацца з гэтым клубам^[4]. 18 лютага 2016 года ён дэбютаваў у першай камандзе «Бока Хуніярс» у матчы айчыннага першынства супраць каманды «Сан-Марцін», згуляўшы ўсю гульню. У студзені 2018 года Маліна быў аддадзены ў арэнду ў «Дэфенсу і Хустысію» на астатнюю частку года^[5]. 15 верасня 2020 года ігрок далучыўся да італьянскага «Удынезэ» на правах вольнага агента^[6]. 28 ліпеня 2022 года аргенцінец далучыўся да мадрыдскага «Атлетыка», склаўшы пяцігадовы кантракт^[7]. Гэты пераход каштаваў іспанцам 10 мільёнаў еўра, а таксама прадугледжваў розныя дадатковыя сплаты ў памеры 5 мільёнаў еўра^[8].

Міжнародная

3 чэрвеня 2021 года Маліна дэбютаваў у складзе нацыянальнай зборнай Аргенціны ў адборачным матчы чэмпіянату свету 2022 года супраць зборнай Чылі, выйшаўшы на замену Хуану Фойту на 81-й хвіліне^[9]. 9 снежня ў чвэрцьфінальным матчы чэмпіянату свету 2022 года супраць зборнай Нідэрландаў Маліна забіў свой першы гол за зборную^[10].