Нефрыт (камень)

Нефрыт
Формула	Ca2(Mg,Fe)5Si8O22(OH)2
Фізічныя ўласцівасці
Колер	Адценні зялёнага, белы, шэры
Бляск	Цьмяны
Цвёрдасць	5,5 — 6,5
Шчыльнасць	2,95 г/см³
Сінгонія	Манаклінная
Медыяфайлы на Вікісховішчы

Нефры́т — мінерал класа сілікатаў, мікравалакністая разнавіднасць актыналіта, якая складаецца ў асноўным са зблытаных валокнаў амфіболаў — Ca₂(Mg,Fe)₅Si₈O₂₂(OH)₂.

Назва паходзіць ад стар.-грэч.: νεφρός — нырка, у сувязі з падабенствам да ныркі.

Крышталізуецца ў манакліннай сінганіі. Трапляецца ў выглядзе шчыльнага агрэгата найтанчэйшых пераплеценых валокнаў, чым абумоўлена яго вязкасць і трываласць. Колер аліўкава-, яблычна-, травяна-, цёмна-зялёны, радзей шэры, белы, чорны, вельмі рэдка — чырвоны. Размеркаванне колеру воблачна-плямістае.

Цвёрдасць 5,5—6,5. Шчыльнасць 2,9—3 г/см³.

Добра паліруецца. З прычыны выключна высокай вязкасці абломкі нефрыту вельмі складана раскалоць на кавалкі. Трываласць нефрыту параўнальная з добрымі гатункамі сталі.

Радовішчы прымеркаваны да серпенцінітаў, радзей да даламітавых мармураў, валуны і галька здабываюцца з россыпаў.

Каштоўны ювелірна-вырабны камень.

• Жад

• Бардон У. Нефрыт // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

	Нефрыт (камень) на Вікісховішчы

Памылка Lua у Модуль:External_links на радку 45: assign to undeclared variable 'link'.