Нэнсі Олсан

Нэнсі Олсан
Нэнсі Олсан
	англ.: Nancy Olson
Дата нараджэння	14 ліпеня 1928 (97 гадоў)
Месца нараджэння	Мілуокі, ЗША;
Грамадзянства	ЗША;
Муж	Alan W. Livingston[d] і Alan Jay Lerner[d]
Прафесія	актрыса, тэатральная актрыса, кінаактрыса, тэлеактрыса
IMDb	ID 0647970
	Медыяфайлы на Вікісховішчы

Нэнсі Олсан (англ.: Nancy Olson; нар. 14 ліпеня 1928(1928-07-14)^[1]^[2], Мілуокі, ЗША) — амерыканская актрыса, намінантка на прэмію «Оскар» у 1950 годзе.

Біяграфія

Нэнсі Олсан нарадзілася 14 ліпеня 1928 года ў горадзе Мілўокі, штат Вісконсін, у сям’і лекара Генры Олсана і яго жонкі Эвелін. У 1948 годзе яна падпісала кантракт з «Paramount Pictures» і пасля некалькіх дробных роляў прыцягнула да сябе ўвагу галівудскіх рэжысёраў, сярод якіх быў і Білі Уайлдэр. У 1950 годзе ён запрасіў Олсан на ролю Бэці Шыфер у сваім фільме «Бульвар Сансет», якая прынесла яе намінацыю на прэмію «Оскар» за найлепшую жаночую ролю другога плана. Яе калегам па гэтым фільме быў Уільям Холдэн, саюз з якім палічылі вельмі ўдалым і ў далейшым, на працягу 1950-х гадоў, яны яшчэ некалькі разоў зняліся разам.

У 1950 годзе Нэнсі выйшла замуж за паэта Алана Джэй Лернера, ад якога нарадзіла дваіх дачок. У 1957 годзе яны развяліся. Яе другім мужам быў бізнэсмэн Алан У. Лівінгстоўн, які стаў бацькам яе сына.

Але ў 1960-х гадах кар’ера Олсан пайшла на спад і аднымі з далейшых паспяховых роляў Олсен сталі Нэнсі Валон у «Паліяна» (1960), Элізабэт Брайнард у «Сыне Флабера» (1963) і місіс Эбат у «Аэрапорт1». У далейшым Нэнсі пераехала ў Нью-Ёрк, дзе некаторы час грала на брадвейскіх сцэнах.

У 1970-я акторка яшчэ зрэдку працягвала здымацца на тэлебачанні, а ў 1984 году завяршыла сваю кінакар’еру. Пасля гэтага Олсан толькі раз з’явілася ў кіно — у 1997 годзе ў эпізадычнай ролі ў дыснэеўскім фільме «Флабер». У 2010 годзе, пасля 13-гадовага перапынку, актрыса выканала невялікую ролю ў адным з эпізодаў тэлесерыяла «Вялікае каханне». У 2012 годзе выйшла камедыя «Гіры», дзе Олсан сыграла Б’янку Камінгс.