Ніжагародскае тэатральнае вучылішча

Ніжагародскае тэатральнае вучылішча
Дата заснавання	1918
Тып	вучылішча[d] і тэатральная школа[d]
Размяшчэнне	Ніжні Ноўгарад
ntu-nn.ru

Ніжагародскае тэатральнае вучылішча імя Я. А. Еўсцігнеева (руск.: Нижегородское театральное училище имени Е. А. Евстигнеева) — сярэдняя прафесійная навучальная ўстанова (вучылішча) у Ніжнім Ноўгарадзе, якая рыхтуе спецыялістаў па спецыялізацыях «Акцёр драматычнага тэатра і кіно», «Акцёр тэатра лялек», «Мастацтва балета», «Спецыяліст па тэатральна-дэкарацыйным мастацтве». З 1996 года вучылішча мае навучальны тэатр (Адрас: г. Ніжні Ноўгарад, вул. Вялікая Пакроўская, д. 4а.)

Было адкрыта ў 1918 годзе. Заснавальнік — Мікалай Дзмітрыевіч Лебедзеў. У 1922 годзе тады яшчэ тэатральная студыя атрымала асобнае ад тэатра памяшканне — і яе перайменавалі ў Ніжагародскі дзяржаўны тэатральны тэхнікум. У гады вайны ўстанова спыняла працу; прыём заяў быў адноўлены ў 1946 годзе. Ніжагародскае тэатральнае вучылішча — былое Горкаўскае тэатральнае вучылішча. У жніўні 1968 года па распараджэнні Саўміна СССР навучальная ўстанова была пераўтворана ў «Ніжагародскае тэатральнае вучылішча». Імя Я. А. Еўсцігнеева, які быў яго выпускніком, прысвоена вучылішчу 6 кастрычніка 2003 года, пасля смерці славутага артыста 4 сакавіка 1992 года. З 1970 па 2012 гг. тэатральным вучылішчам кіравала Заслужаны дзеяч мастацтваў Расіі Таццяна Васілеўна Цыганкова. Дырэктар вучылішча з 2012 г.: Леанід Аляксандравіч Чыгін. Педагог-рэжысёр, Заслужаны дзеяч мастацтваў Расіі — Рыва Якаўлеўна Левітэ.