Ніна Іванаўна Гілевіч

Ніна Іванаўна Гілевіч (у дзявоцтве Кавалёва; 3 чэрвеня 1931, Шумілінскі раён, Віцебская вобласць — 24 ліпеня 2003, Мінск) — беларускі мовазнавец, спецыяліст у галіне беларускага мовазнаўства. Кандыдат філалагічных навук (1971), дацэнт^[1].

Нарадзілася 3 чэрвеня 1931 года ў Шумілінскім раёне Віцебскай вобласці^[1].

Скончыла ў 1956 годзе Беларускі дзяржаўны ўніверсітэт па спецыяльнасці «Беларуская мова і літаратура. Руская мова і літаратура», пасля аспірантуру^[1]. У час вучобы пазнаёмілася са сваім будучым мужам Нілам Гілевічам^[2].

У 1956—1957 гадах настаўнічала ў Кузьмінскай СШ Гарадоцкага раёна Віцебской вобласці, пасля працавала ў выдавецтве «Вышэйшая школа», выкладала на кафедры беларускай мовы філалагічнага факультэта БДУ, дацэнт^[1].

Памерла 24 ліпеня 2003 года. Пахавана на Кальварыйскіх могілках у Мінску^[1].

Навуковыя інтарэсы: гісторыя старажытнабеларускай мовы; мова і стыль мастацкіх твораў беларускіх пісьменнікаў; беларуская дыялекталогія^[1].

У шлюбе з паэтам Нілам Гілевічам (1931—2016) мела адзінага сына Сяргея^[3], які стаў хімікам. Ягоная жонка — гісторык, сын Багдан — матэматык, грае ў рок-гурце^[4].

• Старонка на сайце базы даных «Вучоныя Беларусі»