Ніна Міхайлаўна Бараноўская

Ніна Міхайлаўна Бараноўская (24 снежня 1914 — 4 ліпеня 1989) — беларуская мастацтвазнаўца.

Нарадзілася 24 снежня 1914 года^[1]. Маці працавала ў шпіталі, бацька — дэмабілізаваны марскі афіцэр, які прайшоў Цусіму і Порт–Артур. У час Вялікай Айчыннай вайны сям'я засталася ў акупаваным Мінску^[2].

Пасля вайны дапамагла справіцца свайму брату Фёдару Бараноўскаму, будучаму мастаку, з цяжкай кантузіяй, калі літаральна за руку адвяла ў вячэрнюю школу, а пасля ў Мінскае мастацкае вучылішча^[2].

Старшы навуковы супрацоўнік навукова-даследчага аддзела рускага мастацтва Дзяржаўная карцінная галерэя БССР, у 1976-1989 гг. займалася навуковым вывучэннем калекцый фонду замежнага мастацтва ў музеі. Ёю былі створаны першыя навуковыя картатэкі калекцый, вынікі вывучэння твораў уводзіліся ў навуковы ўжытак праз розныя віды публікацый – артыкулы, выставачныя экспазіцыі^[3].

Памерла 4 ліпеня 1989 года^[1].