Обальская сядзіба

Сядзібна-паркавы комплекс
Обальская сядзіба
Обальская сядзіба на старым фотаздымку
55°21′27,95″ пн. ш. 29°16′56,22″ у. д.HGЯO
Краіна	Беларусь
Гарадскі пасёлак	Обаль
Архітэктурны стыль	класіцызм
Дата пабудовы	XIX стагоддзе
Будынкі
парк • жылы дом
Статус	Гісторыка-культурная каштоўнасць Беларусі, шыфр 213Г000863шыфр 213Г000863
Глобус Беларусі	globustut.by/obol_shumi/…
Медыяфайлы на Вікісховішчы

Обальскі сядзібна-паркавы комплекс — рэшткі сядзібнага дома і парк, якія захаваліся ў гарадскім пасёлку Обаль (Шумілінскі раён, Віцебская вобласць, Беларусь).

Пабудавана ў 1-й палове XIX стагоддзя. З 1920 года ў сядзібе была школа, пасля Вялікай Айчыннай вайны — дзіцячы дом. Пазнй — інтэрнат працаўнікоў Обальскага керамічнага завода.

Сядзіба значна пацярпела ад пажару і разрабаванняў.

Сядзібны дом двухпавярховы, пабудаваны з цэглы. Галоўны ўваход вылучаны чатырохкалонным порцікам. З боку парку дом мае высокі цокальны паверх над выступаючай аркадай. Перад уваходам дзве скульптуры львоў.

Цэнтральнае месца ў інтэр’еры займае шырокі вестыбюль і парадная зала. На другім паверсе размяшчаліся жылыя пакоі. Гаспадарчыя памяшканні вынесены ў цокальны паверх. Першапачатковая планіроўка зменена падчас рамонту 1905—1907 гадоў.

Галоўным фасадам будынак выходзіць на невялікую плошчу з газонам.

За домам, на беразе ракі, невялікі пейзажны парк да якога вядуць пліты-прыступкі. Ліпавая алея паўколам апаясвае парк. Цэнтр парку — лужок з групамі лісцевых дрэў і астраўкамі хмызнякоў.

• Обольская усадьба // Память: историко-документальная хроника Шумилинского района / редкол.: И. П. Шамякин [и др.]. — Мн., 1985. — С. 24.
• Сядзіба // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мн., 1985. — С. 472.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000863

	Обальская сядзіба на Вікісховішчы

• Обальская сядзіба на сайце Radzima.org
• Обальская сядзіба на сайце Глобус Беларусі (руск.)
• Обальская сядзіба на сайце «Архіварта»