Оксфардскі слоўнік Візантыі

Оксфардскі слоўнік Візантыі (англ.: The Oxford Dictionary of Byzantium, скарочана ODB) — трохтамовы гістарычны слоўнік, апублікаваны ў чэрвені 1991 года выдавецтвам Оксфардскага ўніверсітэта. Змяшчае ўсебаковую інфармацыю па Візантыйскай імперыі. Галоўны рэдактар — А. П. Каждан.

Слоўнік даступны як у друкаваным відзе, так і ў электроннай версіі ў «The Oxford Digital Reference Shelf» (пры ўмове рэгістрацыі).

У слоўніку маецца больш за 5000 артыкулаў, якія ахопліваюць усю гісторыю Візантыі. Выданне ўтрымлівае біяграфіі выдатных палітычных і літаратурных дзеячаў, падрабязныя артыкулы на рэлігійныя, сацыяльныя, культурныя, юрыдычныя і палітычныя тэмы. Культурныя тэмы ўключаюць музыку, багаслоўе і мастацтва. Таксама раскрыты пытанні па ваенным мастацтве, дэмаграфіі, адукацыі, сельскай гаспадарцы, гандлю, навуцы, філасофіі і медыцыне.

У слоўніку больш за 200 ілюстрацый, табліцы і карты ў якасці даведкавага матэрыялу для вывучэння візантыйскай цывілізацыі.

Оксфардскі слоўнік Візантыі ганараваны шматлікіх узнагарод, у тым ліку:

• 1991 г. — Reference Reviews Award: Лепшае спецыяльнае даведкавае выданне.
• 1991 г. — R. R. Hawkins Award: Найбольш выдатнае прафесійнае даведкавае або навуковае выданне.