Павел Мацвеевіч Сільчонак

Павел Мацвеевіч Сільчонак
Павел Мацвеевіч Сільчонак
Нараджэнне	11 лістапада 1963 (61 год); Браслаўскі раён, Віцебская вобласць, БССР, СССР;
Адукацыя	Даўгаўпілскае вышэйшае ваеннае авіяцыйнае інжынернае вучылішча[d];
Узнагароды

Павел Мацвеевіч Сільчонак (нар. 11 лістапада 1963, в. Краснагорка Браслаўскага раёна Віцебскай вобласці) — беларускі вайсковец, дзеяч мясцовага кіравання, дэпутат Палаты прадстаўнікоў Нацыянальнага сходу Рэспублікі Беларусь.

Біяграфія

Скончыў Даўгаўпілскае вышэйшае ваеннае авіяцыйнае інжынернае вучылішча па спецыяльнасці «Авіяцыйныя радыёэлектронныя сродкі».

Праходзіў службу на розных пасадах ва Узброеных Сілах СССР і Рэспублікі Беларусь, працаваў спецыялістам Віцебскага абласнога ваеннага камісарыята, кіраўніком аддзела арганізацыйна-кадравай работы адміністрацыі Першамайскага раёна г. Віцебска, старшынёй Браслаўскага раённага аб’яднання прафсаюзаў.

Выбіраўся дэпутатам Браслаўскага раённага Савета дэпутатаў, дэпутатам Палаты прадстаўнікоў Нацыянальнага сходу Рэспублікі Беларусь сёмага склікання.